माघ २५ गतेलाई आफ्नो प्रदर्शन मिती तय गरेको सिनेमा ‘प्रेमलीला’ले आफ्नो प्रदर्शन मिति परिवर्तन गरेको छ।
सिनेमा फागुन १० मा रिलिज हुनेभएको छ। सिनेमाको भिएफएक्सको नसकिएपछि सिनेमाको प्रदर्शनलाई पछि सारेको सिनेमाकी नायिका दिपशिखा खड्काले जानकारी दिएकी हुन्।
अन्तर्देशीय प्रेमकथा समेटिएको सिनेमाको फर्स्ट लुक र दुई गीत सार्वजनिक भइसकेको छन् भने ट्रेलर छिट्टै सार्वजनिक गर्ने तयारीमा निर्माण पक्ष रहेको छ।
पबन गौतमको छायांकन, चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको सिनेमामा महेश खड्का, नबिन कार्की र रबिराज शाहको संगीत, राजेश पायल राई, शोभा पाण्डे र भारतीय गायक राजा हसनको स्वर रहेको छ ।
सिनेमामा दीपशिखा खड्का, भारतीय मोडल अलि खान, मौसम खड्का, सुरज तमु, रेखा शाह, शर्मिला शर्मा, भारतीय कलाकारहरु अर्चना शुक्ला, ट्वीकंल श्रीवास्तव लगायतको अभिनय रहेको छ । नायिका खड्का कै कथा तथा लेखन रहेको सिनेमालाई नानीमैया कार्की र फैजिल फिल्म्सले संयुक्त रुपमा निर्माण गरेका हुन् ।
