माघ १८ गतेको रिलिज मिति निकट रहेको ‘रणवीर’ल आफ्नो रोमान्टिक गीत 'मायामा' सार्वजनिक गरेको छ । गीतमा सुशील सिटौला र सुवेक्षा खड्काको अभिनय छ ।
पोखरा तथा आसपासका मनोरम दृश्यमा छायाँकन गरिएको गीतमा हर्कुलस बस्नेतको शब्द तथा संगीत रहेको छ । गीतमा हर्कुलस र प्रविशा अधिकारीले स्वर रहेको छ । गम्भीर विष्ट गीतका कोरियोग्राफर हुन् ।
सुभेच्छाले यस किसिमको गीतमा पहिलो पटक देखिएको बताइन् । गीतबारे बोल्दै उनले भनिन्, ‘मलाई निकै खुसी लागेको छ र यस किसिमको लभ गीतमा पहिलो पटक देखिएकी हुँ ।’
फिल्ममा सुशील र सुवेक्षासँगै सुपुस्पा भट्ट , प्रशान्त ताम्राकार , टिका पहाडी , नरेश पौडेल , रवी गिरी , भोलाराज सापकोटा , शैलेश्वरी सिंह लगायतको अभिनय रहेको छ ।
गोविन्द सिंह भण्डारी सिनेमाका लेखक तथा निर्देशक हुन्। सिनेमाले माया , मित्रता र बदलाको कथालाई प्रस्तुत गर्छ ।