'बाहुबली' फेम प्रभासको 'साहो'सँगको सम्भावित भिडन्तलाई छल्न 'हजार जुनिसम्म' सिनेमाले आफ्नो रिलिज मिति परिवर्तन गरेको छ।
साउन ३० मा रिलिज हुने घोषणा गरिएको विकास राज आचार्य निर्देशित सिनेमा अब भदौं ६ मा रिलिज हुने भएको छ।
यही मितिमा नम्रता श्रेष्ठ स्टारर 'जाइरा' र ' र 'लभ यू हमेशा' रिलिज हुँदैछन्।
'हजार जुनीसम्म'ले छोडेको साउन ३० को मितिमा प्रभासको 'साहो' का अलावा, अक्षय कुमारको 'मिसन मंगल', जोन अब्राहमको 'बटाला हाउस' तथा दयाहाङ राईको 'दयारानी' रिलिज हुँदैछ।
सिनेमामा आर्यन सिग्देल, संचिता लुईंटेल, शिवहरी पौड्याल, प्रियंका कार्की, सलोन बस्नेत, स्वस्तिमा खड्का, अखिलेस प्रधान, अनुभव रेग्मी लगायतका कलाकारको अभिनय रहेको छ ।
विशाल चाम्लिङ्गको कथा रहेको सिनेमाको पटकथा तथा संवाद निर्देशक आचार्य र सामिप्यराज तिमल्सेनाले मिलेर लेखेका हुन् ।