फोटो पत्रकारितासँगै म्युजिक भिडियो निर्माणमा लागेका नवीनबाबु गुरुङको निर्देशन तथा छायाँकनमा ‘फेरि फेरि’ बोलको म्युजिक भिडियो सार्वजनिक भएको छ।
डीबी मोक्तानको गीतलाई गायक सन्तोष लामाले स्वर दिएका छन्। गीतमा लामाकै अभिनय पनि देख्न सकिन्छ।
‘गीतमा गायकलाई गाउन लगाएर अरुलाई अभिनय गराउनुभन्दा गीतको मर्म गायकले बुझ्ने हिसाबले लामालाई नै अभिनय गराएको हो,’ निर्देशक नवीनबाबुले भने।
गायक लामासँगै गीतको म्युजिक भिडियोमा रेखा लिम्बु र गौरव मोक्तानको अभिनय पनि देख्न सकिन्छ। म्युजिक भिडियो गायक सन्तोष लामाको अधिकारिक युट्युब च्यानलबाट सार्वजनिक भएको छ।
