साम्राज्ञी राज्यलक्ष्मी शाह र पल शाहले पहिलो पटक अभिनय गरेको फिल्म 'रेड वाइन' को फस्ट लुक सार्वजनिक भएको छ। अमेरिकामा रहेका रमेश एमके पौडेलले निर्माण गर्ने यो फिल्मको छायांकन पनि अमेरिकामै हुनेछ।
फिल्ममा सन्दीप क्षेत्री र अमेरिकामा मोडलिङमा सक्रिय इमिली लामा पनि मुख्य भूमिकामा देखिने छिन्। कथा र गीत लेखनमा सक्रिय निर्देशक पौडेलले यसअघि ‘रुद्रप्रिया’ र ‘राजारानी’ फिल्म निर्माण गरिसकेका छन्।
आर्यन फिल्म्स प्रोडक्सन प्रालि र बोधि एचडी अमेरिकाको ब्यानरमा निर्माण हुने यो फिल्मको पटकथा र संवाद सवीर श्रेष्ठले तयार पारेका हुन्।
फिल्म छायांकन कोरोनाको अवस्थालाई मध्यनजर गरेर दसैं र तिहारको बीचमा अमेरिकामा गरिने निर्देशक पौडेलले जनाएका छन्।
