यस वर्षको 'बुकर पुरस्कार' विजेता घोषणा भएको छ। स्कटिस-अमेरिकी लेखक डग्लस स्टुवार्टको उपन्यास ‘शगी बेन’ लाई उक्त पुरस्कार दिइएको बिबिसीले जनाएको छ।
पुरस्कारस्वरुप स्टुवार्टले मेडलसहित ५० हजार पाउन्ड पाउनेछन्।
‘शगी बेन’ लेखकको आफ्नै भोगाइ र अनुभवमा आधारित पहिलो उपन्यास हो। उनले किताब र पुरस्कार आफ्नी आमाको नाममा समर्मण गरेका छन्।
४४ वर्षका स्टुवार्ट १६ वर्षको हुँदा अत्याधिक मादक पदार्थ सेवनका कारण उनकी आमाको निधन भएको थियो।
उपन्यासमा स्टुवार्टले सन् १९८० को दशकमा ग्लास्गोमा गरिबीसँग लडिरहेकी आमा र सानो बालकको कथा छ।
यस वर्षको बुकर पुरस्कारको अन्तिम सूचीमा ‘शगी बेन’ सहित अवनी दोषीको ‘बन्र्ट सुगर’, डायन कुकको ‘द न्यु वाइल्डरनेस’, ब्रान्डन टेलरको ‘रियल लाइफ’, माजा मेङ्गित्सेको ‘द स्याडो किङ’, र सित्सी डाङ्गारेम्बाको ‘दिस मोर्नेबल बडी’ थिए।