मेलिना राई र राजेश घिमिरेको 'स र र र' बोलको गीत सार्वजनिक भएको छ। नायिका आँचल शर्मा र मुकुन भुसालले अभिनय गरेको गीतको भिडिओ शुक्रबार युट्युबमा सार्वजनिक भएको हो।
एकतारे सबिन र सरोज परियारको शब्द रहेको गीतमा गायक घिमिरेकै संगीत सुन्न सकिन्छ। गीतको भिडिओ निकेश खड्काले निर्देशन गरेका हुन्। नेपाली लोकलयमा आधारित गीतमा मौलिक नेपाली बाजाहरुको प्रयोग गरिएको छ।
दुईको प्रेमीको प्रेमभाव उतारिएको यो गीतको भिडिओलाई पनि रमाइलो शैलीमा प्रस्तुत गर्ने प्रयास गरिएको छ।
हरि हुमागाईं र हरिश सिंहको छायांकनमा बनेको म्युजिक भिडिओमा अनिता ग्वाचाको मेकअफ, प्रविण श्रेष्ठको सम्पादन र रंगरोगन देख्न पाइन्छ।
