गायिका सिर्जना कार्कीको नयाँ गीत सार्वजनिक भएको छ। गायिका कार्की स्वयंको शब्द, संगीत, स्वर र प्रस्तुति रहेको गीत शुक्रबार युट्युबमार्फत् सार्वजनिक गरिएको हो।
प्रेम र वियोगमा आधारित ‘फक्रिन नसकेको फूल’ बोल रहेको गीतको भिडिओमा मोडल जीवन जङ्ग थापा र गायिका कार्की स्वयमको अभिनय छ।
ए वन म्युजिसियन स्टुडियोमा रेकर्ड भएको गीतमा किशोर थापाको मिक्सिङ र मास्टरिङ रहेको छ भने रेकर्डिस्ट राजेश श्रेष्ठ हुन्।
प्रविन लिम्बूले छायांकन गरेको गीतको भिडिओमा भीम मगरको निर्देशन रहेको छ भने मिलन विक्रम शाहले सम्पादन गरेका छन्।
गीतको भिडिओमा विभिषण महर्जनले ड्रोन चलाएका छन् भने मेकअप सीता पराजुलीको रहेको छ।
लामो समययपछि नयाँ सांगीतिक कोशेली लिएर आएकी कार्कीले भनिन्, ‘यो गीतमार्फत् दर्शकलाई फरक स्वाद दिन खोजेको छु।’
गीतको अडिओ पक्ष अत्यन्तै सबल रहेको बताउँदै उनले अहिलेको चलेको गीतभन्दा ‘फक्रिन नसकेको फूल’ निकै फरक गीत रहेको कारण दर्शकले मन पराइदिनेमा विश्वास व्यक्त गरेकी छन्।
कार्कीको ‘मनको राजा’, ‘रोजेको मैले’ लगायत गीत चर्चित छन्।
सार्वजनिक ‘फक्रिन नसकेको फूल’ गीतको छायांकन रामेछाप आसपासको ठाउँमा गरिएको हो।
