तामाङ फिल्म ‘दोर्जे डन ब्याक अगेन’ को बैसाख ४ गते विशेष प्रदर्शनी हुने भएको छ। फिल्म काठमाडौंस्थित 'राष्ट्रिय नाचघर' जमलमा दिउँसो १२ बजे प्रदर्शन हुनेछ।
निर्माण पक्षका अनुसार बढ्दो कोरोनाभाइरस संक्रमण रोकथाम तथा नियन्त्रणका लागि सरकारले गरेको लकडाउनका कारण चलचित्र प्रदर्शन रोकिएको थियो। नायक कुमार मोक्तानले कोरोना संक्रमणको जोखिमबाट बच्न स्वास्थ्य मन्त्रालयले तोकेको मापदण्ड अपनाएर फिल्म प्रदर्शन गरिने बताए।
सक्सेस फिल्मको ब्यानरमा निर्माण भएको चलचित्रलाई भगवती मोक्तानले निर्माण, नायिका सीताले निर्देशन गरेकी छिन् भने प्रकाश मोक्तानको कथा लेखनमा तयार भएको हो ।
चलचित्रमा नायक कुमार मोक्तान, नायिका सीता लामा, सुजिना गोले, पुसन लामा, विकास स्याङतान, अर्जुन लामा, बुद्ध लामा, अमर लामा, गोकुल तामाङ, चन्द्र लामा, गोर्खा घिसिङ, अरुण लामा लगायत कलाकारको अभिनय छ।
