विगत २८ वर्षदेखि न्युयोर्कमा बसोबास गरी नेपाली कला र संस्कृतिको उत्थानको कार्यमा सक्रिय रहँदै आएका गायक आङ्गेलु शेर्पाले आफ्नो नयाँ गीति एल्वम सार्वजनिक गरेका छन्।
उनले आफ्नो जन्मदिनको अवसर पारेर गीति एल्वम सार्वजनिक गरेका हुन्।
नेपाली र शेर्पा भाषामा गरि उनले करिब तीन दर्जन गीत गाएका छन्।
यसैबीच गायक शेर्पाले गायिका मीना राईसँग गाएको पूर्वेली भाकाको ‘के साह्रो राम्री चोलीमा’ गीतको भिडियोसमेत विमोचन गरिएको थियो।
गायिक सपना श्री र याङ्गजी शेर्पाले संयुक्त रुपमा सो गीतको भिडियो विमोचन गरेका हुन्।
कार्यक्रममा स्वागत मन्तव्य व्यक्त गर्दै गायक शेर्पाले गीति एल्वमबारे प्रकाश पारेका थिए।
कार्यक्रममा बरिष्ठ गायिका सपना श्री, संगीता थापा मगर, निशा सुनार, रेशमा सुनुवार,अभय ढुंगेल, जगदीश समाल, गीता राई विमल डाँगी, विष्णु रानामगर, पत्रकार दिवाकर वागचन्दलगायतको उपस्थिति थियो।