कोरोना संक्रमण भएका कलाकार मदनकृष्ण श्रेष्ठ अस्पताल भर्ना भएका छन्।
केही दिनअघि कोरोना संक्रमण भएका श्रेष्ठलाई निकै कमजोर महशुस भएपछि दुई दिनअघि ललितपुरको मेडिसिटी अस्पतालमा भर्ना गरिएको थियो।
कलाकार हरिवंश आचार्यका अनुसार श्रेष्ठको परिवारका अरूलाई भने अस्पताल भर्ना गर्नु परेको छैन।
'मदन दाइलाई निकै कमजोर महशुस भएपछि अस्पताल लगिएको हो। अहिले उहाँलाई ठिक भइसकेको छ,’ आचार्यले सेतोपाटीसँग भने,‘बिहान फोनमा कुरा गर्दा उहाँको स्वर एकदम फ्रेस सुनिएको थियो। मैले दाइ तपाईंलाई अब डेढ दिनमा डिस्चार्ज गर्छ होला भनें।’
वैशाख ६ गते श्रेष्ठसहित उनको परिवारका पाँच जनालाई कोरोना संक्रमण पुष्टि भएको थियो।
