‘बग्ने खोला..’, ‘माया बस्ला फेरि...’, लगायतका चर्चित गीतकी गायिका भावना आचार्यको नयाँ तिज गीत ‘टिकटक चलाउने’ बजारमा आएको छ।
गायिका भावना आचार्य र मोडल तथा गायक चक्र बमको आवाज रहेको गीत ‘टिकटक चलाउने’ को शब्द रचना आचार्यकै हो।
गीतमा कमल जिसीको संगीत तथा नरेन्द्र वियोगीको संगीत संयोजन रहेको छ। भिडियोमा गायिका आचार्यको साथमा गायक चक्र बम, अस्मिता पुरी र शिव क्षेत्रीको अभिनय देख्न सकिन्छ।
देवेन्द्र पाण्डेले निर्देशन गरेको भिडियोको सम्पादन विकास दाहालले गरेका हुन्।
