अभिनेत्री हुँदै राजनितिमा प्रवेश गरेर भारतको तमिलनाडु राज्यको मूख्यमन्त्री बनेकी जयललितामाथि बन्ने वायोपिक सिनेमा 'द आइरन लेडी'मा नित्या मेनन् अभिनय गर्ने पक्का भएको छ।
सिनेमाको बुधबार पोस्टर सार्वजनिक भएसँगै उनले शीर्ष भूमिकामा काम गर्ने पक्का भएको हो। जय ललितालाई भारतीय राजनीतिकी एक शक्तिशाली महिला नेतृ मानिन्छ।
सो रोलका लागि यसअघि विद्या बालन, वरलक्ष्मी सरथकुमार तथा तृषाको नाम चर्चामा थियो।
प्रियादर्शनी सिनेमाकी निर्देशक हुन्। सिनेमा जयललिताको जन्मदिन पारेर फरवरी २४ बाट फ्लोरमा जानेसम्भावना रहेको छ।
सिनेमामा जयललिताको स्टारडम र राजनीतिमा एक नेताका रूपमा उनको उदयका बारेमा हुनेछ। यसैगरी उने जीवनको अन्तिम समयमा अस्पतालमा बिताएको समयलाई पनि सिनेमाले प्रस्तुत गर्नेछ।
