आफ्ना सिनेमामा दख्खल दिदैं आएका बलिउड अभिनेता शाहरूख खानले नयाँ वर्षबाट आफ्नो दख्खल दिने शैली छोड्का छन्। उनले यसको सुरूवात आफ्नो आगामी सिनेमा 'बदला'बाट सुरू गरेको भारतिय संचारमाध्यमले जनाएका छन्।
'बदला' सिनेमासँग सम्बन्धित सदस्यहरूले यसको पुष्टि गरेको समाचारमा उल्लेख छ। उनले यस सिनेमाको कुनै पनि श्रृजनात्मक काममा हस्तक्षेप गर्ने छैनन्। उनले यसको पूर्ण स्वतन्त्रता निर्देशक सुजय घोषलाई दिएका छन्।
पहिले पहिले सिनेमाको सुटिङमा जाने गरेका शाहरूख यसको सुटिङमा गएका छैनन्। उनले यस्तो गर्नुमा अर्को कारण रहेको पनि बताइन्छ। खासमा यो सिनेमा 'एन इन्भिजिबल गेस्ट' नामक स्पेनिस थ्रिलरको आधिकारिक बलिउड रिमेक हो। त्यसैले पनि यसमा उनले हस्तक्षेप नगरेको बताइन्छ।
उनका आलोचकहरूले शाहरूखको आवश्यक्ता भन्दा बढि हस्तक्षेपले 'जिरो' तथा फैन' फल्प भएको आरोप लगाउँदै आएका छन्।
उनले 'जिरो'को कथामा नै हस्तक्षेप गरेका थिए। सिनेमाको कथा नै परिवर्तन गरेको समाचारमा उल्लेख छ। यसैगरी ' जब हैरी मेट सेजल' सिनेमामा उनले लेखनमा हस्तक्षेप गरेका थिइ भने 'दिलवाले'मा निर्देशनमा नै हस्तक्षेप गरेका थिए। 'पहेंली' सिनेमामा उनले चाहिनेभन्दा बढि सल्लाह दिएको बताइन्छ।
यसका अलावा शाहरूखले वेव सिरिज पनि निर्माण गर्ने निर्णय लिएका छन्। उनको प्रोडक्सन कम्पनीले आगामि वर्ष करिब आधा दर्जन वेवसिरिज बनाउनेछ। यसको सुरूवात अपरेशन खुकरी'बाट हुनेछ।