बलिउड अभिनेता अमिताभ बच्चन र अभिनेत्री तपसी पन्नुको नयाँ फिल्म 'बदला' आउँदैछ। यही मार्च ८ मा रिलिज हुने फिल्म शाहरूख खानको 'रेड चिल्लीज इन्टर्टेमेन्ट' ले निर्माण गरेको हो।
फिल्म रिलिज नजिकिँदै जाँदा 'बदला' ले दुई वटा गीत सार्वजनिक गरिसकेको छ। यसअघि 'क्यू रब्बा' बोलको गीत सार्वजनिक भएको थियो।
बिहीबार साँझ अर्को गीत सार्वजनिक भएको छ जुन निकै चर्चामा छ।
'औकात' बोलको गीत केही घन्टामै चर्चित हुनुमा दुई मुख्य कारण छन्।
पहिलो, यो र्याप गीत हो।
दोस्रो, यसलाई बदलाका मुख्य अभिनेता अभिताभ बच्चनले गाएका हुन्।
रणवीर सिंह र आलिया भट्टको 'गली ब्वाइ' मा दर्शक तथा स्रोताले रणवीरकै स्वरमा र्याप सुन्न पाएका थिए।
अब दिग्गज अभिनेता अमिताभको आवाज र्यापमा झुमेको छ। गीतमा अमिताभलाई गायक अमित मिश्र र क्लिन्टन सेरेजोले साथ दिएका छन्। यसको संगीत संयोजन क्लिन्टनले र शब्द रचना सिद्धान्त कौशलले गरेका हुन्।
अमिताभले भिडियोमा र्याप गाउँदै त्यही अनुसार हाउभाउ गरेका छन्।
सुजोय घोषद्वारा निर्देशित बदला 'थ्रिलर' फिल्म हो।
अमिताभ र तपसीले यसअघि 'पिंक' फिल्ममा सँगै काम गरेका थिए। पिंकले निकै राम्रो प्रतिक्रिया पाएको थियो।
हेर्नुहोस् भिडियोः
