बलिउड निर्माता दिनेश विजनले हलमा सिनेमा राम्रो विषयको आधारमा मात्र टिक्न सक्ने बताएका छन्। उनले दर्शकको चेत विश्वस्तरमा पुगिसकेकाले त्यस अवस्थामा बलिउड पछाडी रहन नसक्ने बताए।
विजनको सिनेमा निर्माण कम्पनी म्याडडकल 'बदलापुर', 'हिन्दी मिडियम' तथा स्त्री' जस्ता हिट सिनेमाको निर्माण गरिसकेको छ। उनले पहिले सुरक्षित रहने गरेका निर्माता अब सुरक्षित हुन छाडिसकेको बताए।
विजनका अनुसार डिजिटल माध्यमका कारण दर्शकहरू राम्रो विषयसँग परिचित भइसकेका छन्। त्यसैले उनीहरूलाई बेवकुफ बनाउन सकिदैन।
'स्त्री,बधाई हो बधाई, उरी जस्ता सिनेमाले यो कुरा स्पष्ट पारेका छन् कि हाम्रो सिनेमाको भविष्य राम्रो विषयमा मात्र टिक्न सक्छ', उनले भने।
विजनले आफूहरूले बनाउन चाहेको जस्तो सिनेमा निर्माणमा आउन थालिसकेको बताए। विषयले आकार्षित भएको अवस्थामा मात्र दर्शक सिनेमा हेर्न आउने उनको भनाइ थियो।
उनकै ब्यानरमा बनेको 'लुका छिपी' हाल प्रदर्शनरत: छ र दर्शकले सिनेमालाई रूचाइरहेका छन्।
