आज (मंगलबार) बाट सुरू भएको दोस्रो संस्करणको 'नाइमा मोबिलिटी एक्स्पो २०२६' मा बिवाइडीको एट्टो–२ सार्वजनिक भएको छ।
चीनमा उत्पादन हुने यो गाडी बिवाइडीको ई–प्लाटफर्म ३.० मा आधारित छ।
एट्टो–२ को लम्बाइ ४ हजार ३१० मिलिमिटर र ग्राउण्ड क्लियरेन्स २०० मिलिमिटर छ।
यसमा ५१.१३ किलोवाट–घण्टा क्षमताको ब्लेड ब्याट्री र १०० किलोवाटको विद्युतीय मोटर छ। मोटरले अधिकतम २९० एनएम टर्क उत्पादन गर्छ। एकपटक पूर्ण चार्ज गर्दा ३४५ किलोमिटरसम्म चल्ने कम्पनीको दाबी छ।
गाडीमा सेल–टु–बडी (सिटिबी) प्रविधिसहितको ब्लेड ब्याट्री प्रयोग गरिएको छ। त्यस्तै, ८–इन–१ इलेक्ट्रिक पावरट्रेन, १७ इन्च एलोय ह्विल र एलइडी हेडलाइट तथा टेललाइट दिइएको छ।
एट्टो–२ मा ६ वटा एयरब्यागसहित एड्भान्स्ड ड्राइभर असिस्टेन्स सिस्टम (एडिएएस) छ। यसमा एडप्टिभ क्रुज कन्ट्रोल, लेन असिस्ट, लेन डिपार्चर वार्निङ, इन्टेलिजेन्ट क्रुज कन्ट्रोल, डोर ओपनिङ वार्निङ र रियर क्रस ट्राफिक अलर्टजस्ता सुरक्षा सुविधा छन्।
गाडीमा घुमाउन मिल्ने १२.८ इन्चको स्मार्ट टचस्क्रिन, एप्पल कारप्ले तथा एन्ड्रोइड अटो, आठवटा स्पिकर, अगाडिका सिटमा भेन्टिलेसन तथा इलेक्ट्रिक एड्जस्टमेन्ट र पानोरामिक सनरुफ दिइएको छ।
अगाडि र पछाडितर्फ टाइप–ए तथा टाइप–सी यूएसबी पोर्ट र वायरलेस फोन चार्जिङको सुविधा पनि छ।
एट्टो–२ मा ७ किलोवाटको एसी र ८२ किलोवाटसम्मको डिसी चार्जिङ सपोर्ट छ। यसमा भेहिकल–टु–लोड (भिटुएल) सुविधा पनि उपलब्ध छ। पछाडिको सिट ४०/६० अनुपातमा फोल्ड गर्न सकिने व्यवस्था छ।
यसको मूल्य नेपाली बजारमा ४८ लाख ९९ हजार रूपैयाँमा उपलब्ध रहेको कम्पनीले जनाएको छ।
