आयाम इन्टरकन्टिनेन्टलले नाइमा नेपाल मोबिलिटी एक्स्पो २०२६ मा चीनको डोङफेङले उत्पादन गरेको विद्युतीय बस सार्वजनिक गरेको छ।
७ मिटरको यो बस सार्वजनिक यातायात तथा व्यावसायिक प्रयोजनका लागि ल्याइएको कम्पनीले जनाएको छ।
कम्पनीका अनुसार बसले एक पटकको चार्जमा २५० किलोमिटरसम्म यात्रा गर्न सक्छ।
यसको मूल्य १ करोड १४ लाख ५० हजार रूपैयाँबाट सुरू हुन्छ।
बस तीनवटा संस्करणमा उपलब्ध छ।
सिटी बसमा २८ सिट, लक्जरी बसमा २६ सिट र स्कुल बस संस्करण रहेको कम्पनीले जनाएको छ।
यात्रुको आवश्यकता र प्रयोगअनुसार फरक संस्करण प्रयोग गर्न सकिनेछ।
डोङफेङका ७ मिटर आसपासका विद्युतीय बसहरूमा सहर तथा छोटो दूरीको सार्वजनिक यातायातलाई लक्षित गरिएको मोडलहरू छन्।
डोङफेङको विद्युतीय बस लाइनअपमा करिब ६.९ मिटर लम्बाइका विद्युतीय कोच पनि रहेका छन्।
आयाम इन्टरकन्टिनेन्टलले आगामी दिनमा १२ मिटर आकारसम्मका विद्युतीय बस सार्वजनिक गर्ने योजना रहेको जनाएको छ।
कम्पनीले नेपालमा सार्वजनिक तथा व्यावसायिक यातायातका लागि विद्युतीय बसको बजार विस्तार गर्ने लक्ष्य राखेको जनाएको छ।
