काठमाडौंको भृकुटीमण्डपस्थित प्रदर्शनीस्थलमा ‘नाइमा मोबिलिटी एक्सपो’ जारी छ।
एक्सपोमा प्रदर्शनीमा राखिएका विभिन्न ब्रान्डका सवारी साधन र तिनका अत्याधुनिक विशेषताहरूबारे जानकारी लिन दैनिक हजारौँ दर्शकहरू पुगिरहेका छन्।
विशेष गरी मेलामा भर्खरै सार्वजनिक गरिएका नयाँ मोडलका दुई पाङ्ग्रे (मोटरसाइकल तथा स्कुटर) र चार पाङ्ग्रे (कार, एसयुभी) सवारी साधनतर्फ दर्शकको आकर्षण बढी देखिएको छ।
यसैबीच, हुन्डाई नेपालले ग्रान्ड आइटेन, भेन्यु र भेन्यु एन लाइन लगायतका गाडी सार्वजनिक गरेको छ।
नेपालमा हुन्डाई गाडीको आधिकारिक वितरक लक्ष्मी इन्टरकन्टिनेन्टल प्रा. लि.ले नयाँ हुन्डाई नेपालमै निर्मित 'भेन्यु र भेन्यु एन लाइन' सार्वजनिक गरेको छ।
नयाँ डिजाइन, उन्नत प्रविधि, उत्कृष्ट प्रदर्शन र सुरक्षासहित नयाँ भेन्युले कम्प्याक्ट एसयुभी सेग्मेन्टमा नयाँ अनुभव प्रदान गर्दछ।
नेपालमै निर्मित भेन्यु सशक्त र आकर्षक एसयुभी डिजाइनसहित प्रस्तुत गरिएको छ।
यसमा ट्विन हर्न एलइडी डिआरएल, होराइजन एलइडी रियर ल्याम्प, पावर्ड टिल्ट–एन्ड–स्लाइड सनरुफ, १०.२५–इन्च इन्फोटेनमेन्ट डिस्प्ले र ६ वटा एयरब्याग रहेका छन्।
यो १.२–लिटर र १.०–लिटर टर्बो पेट्रोल इन्जिन विकल्पमा उपलब्ध छ, जसले आरामदायी ड्राइभिङ, दक्षता र उत्कृष्ट प्रदर्शन प्रदान गर्दछ।
त्यस्तै, भेन्यु एन लाइनले भेन्यु लाइनअपमा थप स्पोर्टी र विशिष्ट शैली प्रस्तुत गर्दछ।
यसमा एन–ब्रान्डेड सिट, एन–ब्रान्डेड एलोय ह्विल, सिग्नेचर रेड हाइलाइट्ससहितको बडी–कलर क्ल्याडिङ तथा विशिष्ट एन लाइन स्टाइलिङ एलिमेन्ट्स रहेका छन्।
यसको स्पोर्टी डिजाइनले भेन्युको प्रविधि, आराम र व्यावहारिकतालाई कायम राख्दै थप गतिशील अनुभव प्रदान गर्छ।
नेपालमै निर्मित भेन्युको सुरुवाती मूल्य ४८ लाख ९६ हजार रूपैयाँ रहेको छ र यो एचएक्स २ (१,१९७ सिसी पेट्रोल), एचएक्स ५+ (१,१९७ सिसी पेट्रोल) र एचएक्स ५ डिसिटी (९९८ सिसी पेट्रोल) गरी तीन भेरियन्टमा उपलब्ध छ।
त्यस्तै, भेन्यु एन लाइनको सुरुवाती मूल्य ६७ लाख ९६ हजार रूपैयाँ रहेको छ।
नेपालमै निर्मित हुन्डाई भेन्यु र भेन्यु एन लाइन नेपालभरका हुन्डाई सोरुमहरूमा उपलब्ध छन्।
ग्राहकहरूले आफ्नो नजिकको हुन्डाई सोरुममा गई नयाँ लाइनअपबारे थप जानकारी लिन तथा नयाँ भेन्युको डिजाइन, प्रविधि र ड्राइभिङ अनुभव प्रत्यक्ष रूपमा अनुभव गर्न सक्नेछन्।
