काठमाडौंको भृकुटीमण्डपमा जारी नाइमा नेपाल मोबिलिटी एक्स्पो–२०२६ मा वुलिङले विद्युतीय व्यावसायिक पिकअप लिङसिस जी१००पी–आर (LINXYS G100P-R) प्रदर्शनमा राखेको छ।
सामान ढुवानी गर्न प्रयोग हुने यो विद्युतीय पिकअप व्यावसायिक प्रयोजनका लागि उपयोगी सवारीका रूपमा प्रस्तुत गरिएको छ।
लिङसिस जी१००पी–आरमा ४१.८६ किलोवाट आवरको एलएफपी ब्याट्री छ। एनइडिसी मापदण्ड अनुसार यसको ड्राइभिङ रेन्ज ३०० किलोमिटर छ।
डिसी फास्ट चार्जिङबाट ३० देखि ८० प्रतिशतसम्म ब्याट्री चार्ज गर्न करिब ३० मिनेट लाग्ने कम्पनीको विवरणमा उल्लेख छ।
यसमा ६० किलोवाटको पिक पावर भएको विद्युतीय मोटर छ। यसले ८०.४ बिएचपी शक्ति र २२० एनएम टर्क उत्सर्जन गर्छ। यसको अधिकतम गति ९० किलोमिटर प्रतिघण्टा छ।
सामान बोक्ने क्षमताका हिसाबले यो पिकअपको पे–लोड क्षमता १,०४५ किलोग्राम छ। यसको कार्गो बेको लम्बाइ ३,०१५ मिमी, चौडाइ १,५३० मिमी र उचाइ ३७० मिमी छ।
गाडीको ह्विलबेस ३,०५० मिमी छ।
यसको लम्बाइ ४,८४५ मिमी, चौडाइ १,६१० मिमी र उचाइ १,९२० मिमी छ। गाडीमा १२५ मिमी ग्राउन्ड क्लियरेन्स, अगाडि म्याकफर्सन इन्डिपेन्डेन्ट सस्पेन्सन र पछाडि लिफ स्प्रिङ सस्पेन्सन दिइएको छ।
सुरक्षातर्फ चालकका लागि एयरब्याग, एबिएस तथा इबिडी, रिभर्सिङ राडार लगायत फिचर छन्। यसमा दुई जनाले यात्रा गर्न मिल्छ। सिसिएस२ चार्जिङ स्ट्यान्डर्ड छ।
यो क्यान्डी ह्वाइट रङमा उपलब्ध छ।
नेपालमा लिङसिस जी१००पी–आरको मूल्य २७ लाख ९० हजार रूपैयाँ तोकिएको छ।
नाइमा नेपाल मोबिलिटी एक्स्पो अवधिभर बुकिङ गर्ने ग्राहकले ९० हजार रूपैयाँसम्म विशेष छुट पाउनेछन्।
साथै, एक्स्पो अवधिमा बुकिङ गर्ने ग्राहकलाई निःशुल्क बीमा सुविधा पनि उपलब्ध गराइएको छ।
