नेपालका लागि टाटा मोटर्सको एकमात्र अधिकारिक वितरक, सिप्रदी ट्रेडिङले बिहीबारदेखि टाटा कार्निभलको चौथो संस्करण सुरू गरेको छ।
भदौ ४ गतेदेखि ७ सम्म चल्ने यस क्याम्पमा पुराना गाडीसँग हालै नेपालमा लन्च गरिएको नयाँ पन्च इभी र नयाँ टियागो इभी साट्न सकिने कम्पनीले जनाएको छ।
पुरानो गाडीलाई डाउनपेमेन्टको रूपमा राखेर टाटा मोटर्सको नयाँ गाडीहरू लैजान सकिने कम्पनीले जनाएको छ।
योजना अवधिभर टाटाका गाडी बुकिङ गर्ने प्रत्येक ग्राहकले बेस्ट एक्सचेन्ज भ्यालुएसन, आजीवन निःशुल्क डिसी फास्ट चार्जिङ, एक वर्षको सवारी कर छुट र निःशुल्क एसोसरिज र निःशुल्क होम चार्जिङ जडान जस्ता विशेष सहुलियतहरू प्रदान गरेको छ।
'नाइमा नेपाल मोबिलिटी एक्स्पो २०२६' को अवसर पारेर नयाँ 'पन्च इभी' र नयाँ टियागो इभी विशेष अफरसहित सार्वजनिक गरिएको थियो।
नयाँ पन्च इभीको सुरुवाती मूल्य ३३ लाख ९९ हजार रूपैयाँ निर्धारण गरिएको छ भने नयाँ टियागो इभीको सुरुवाती मूल्य २८ लाख ९९ हजार रूपैयाँ रहेको छ।
अत्याधुनिक 'एक्टि.इभी' प्लेटफर्ममा आधारित नयाँ पन्च इभीमा ३२ किलोवाट आवर र ४० किलोवाट आवर क्षमताका दुई ब्याट्री विकल्पमा उपलब्ध छन्, जसले नेपालको बाटोमा गरिएको परीक्षण अनुसार एकपटकको फुल चार्जमा ३०० देखि ३२५ किलोमिटरसम्मको रेन्ज दिन्छन्।
यस मोडलमा १९५ एमएमको उच्च ग्राउन्ड क्लियरेन्स, बिएनक्याप ५-स्टार सुरक्षा रेटिङ, ६ वटा एयरब्याग, ३६० डिग्री क्यामरा, १.५ डिसी फास्ट चार्जिङ, भ्वाइस एक्टिभेटेड सनरुफ, २६.०३ सेन्टिमिटरको हर्मन इन्फोटेनमेन्ट तथा डिजिटल ककपिट, भेन्टिलेटेड सिट र ३६६ लिटरको बुट स्पेस समावेश गरिएको छ।
दैनिक आवतजावतलाई सहज बनाउन ल्याइएको नयाँ टियागो इभीमा नयाँ लुक्स, आकर्षक रंग, ३६० डिग्री एचडी क्यामरा प्रणाली, २६.०३ सेन्टिमिटरको इन्फोटेनमेन्ट र ६ वटा एयरब्याग जस्ता सुरक्षा सुविधाहरू छन्।
