एमएडब्लू वृद्धि अटोकर्पले 'अल-न्यू दिपल निभो क्यू ०५' सार्वजनिक गरेको छ।
चीनमा आफ्नो सेग्मेन्टको नम्बर एक एसयुभीका रूपमा स्थापित क्यू ०५ ले नेपाली ग्राहकलाई कम्फर्ट, डिजाइन र प्रविधिमा 'अ क्लास अबभ' अनुभव प्रदान गर्ने प्रतिबद्धता बोकेको छ।
नयाँ दिपल निभो क्यू ०५ ले सहरमा सहज रूपमा चलाउन मिल्ने बाहिरी आकारलाई फराकिलो र व्यवहारिक क्याबिनसँग संयोजन गरेको छ।
यसको २,७३५ मिमि लामो ह्विलबेसले विशेषगरी पछाडिको सिटमा यात्रा गर्ने यात्रुका लागि पर्याप्त स्पेस उपलब्ध गराउने लक्ष्य राखेको छ।
रिक्लाइन गर्न मिल्ने पछाडिका सिटले यात्रुको आराम थप बढाउनेछन् भने ५४० लिटरको स्ट्यान्डर्ड बुटले लगेज, किनमेलका सामग्री तथा पारिवारिक यात्राका सामान राख्न पर्याप्त ठाउँ प्रदान गर्नेछ।
डिजाइन क्यू ०५ को अर्को प्रमुख विशेषता हो।
यो गाडी चांगानको ग्लोबल डिजाइन नेटवर्कभित्र विकास गरिएको हो, जसमा ३१ देश तथा क्षेत्रका ९१५ जना डिजाइन प्रोफेसनल आबद्ध छन्।
उक्त टोलीको नेतृत्व चांगानका ग्लोबल डिजाइन उपाध्यक्ष तथा फक्सवागन ग्रुपका पूर्व डिजाइन प्रमुख क्लाउस जेसियोराले गरेका छन्।
नयाँ क्यू ०५ मा सफा र एरोडाइनामिक प्रोफाइल, विशिष्ट लाइट सिग्नेचर तथा फराकिलो र आत्मविश्वासी रोड प्रेजेन्स देख्न सकिन्छ।
यसको डिजाइनले 'गोल्डेन ए' डिजाइन अवार्डमार्फत अन्तर्राष्ट्रिय मान्यतासमेत प्राप्त गरिसकेको छ।
यस इलेक्ट्रिक एसयुभीमा ५१.९ किलोवाट-घण्टाको क्याटल लिथियम-आइरन-फस्फेट ब्याट्री उपलब्ध हुनेछ, जसलाई चांगानको गोल्डेन शिल्ड २.० ब्याट्री-सिस्टम प्रविधिसँग एकीकृत गरिएको छ।
यसले ३सी फास्ट चार्जिङ सपोर्ट गर्नेछ भने यसको पिक डीसी चार्जिङ क्षमता १६२ किलोवाटसम्म रहने उल्लेख छ।
नयाँ क्यू ०५ बलियो अन्तर्राष्ट्रिय बजार उपलब्धिसहित नेपाल आउँदैछ। चांगान निभोले ११ अगस्ट २०२६ सम्म यस मोडलको सञ्चित बिक्री एक लाख युनिट पार गरेको घोषणा गरेको थियो।
यसले चीनको कम्प्याक्ट एसयुभी बिक्रीमा लगातार चार महिना शीर्ष स्थान कायम गरेको रिपोर्ट छ।
फराकिलो क्याबिन, अन्तर्राष्ट्रिय मान्यताप्राप्त डिजाइन र उन्नत प्रविधिसहित दिपल निभो क्यू ०५ नेपाली कम्प्याक्ट इलेक्ट्रिक एसयुभी सेग्मेन्टमा नयाँ मापदण्ड स्थापित गर्ने तयारीमा छ-जुन वास्तविक अर्थमा 'अ क्लास अबभ' हुनेछ।
