नाडा अटोमोबाइल्स एसोसिएसन अफ नेपाल (नाडा) ले आयोजना गरेको नाडा अटो शोमा टाटाले तीन वटा इभी गाडी सार्वजनिक गरेको छ।
टाटाले विशेष छुटमा एसयुभी सियरासँगै नेक्सन र पन्च सार्वजनिक गरेको हो।
२८ लाख ९९ हजारको सियरा २७ लाख ९९ हजारमा राखिएको छ।
३३ लाख ९९ हजार पर्ने पन्च इभी नाडा अटो शोमा ३२ लाख ९९ हजारमा पाइने कम्पनीले जनाएको छ।
त्यस्तैगरी, अपडेटेड भर्सनको नेक्सनमा पनि कम्पनीले एक लाख छुट दिएको छ। नेक्सन इभीको सुरूको मूल्य ४३ लाख ९९ हजार रूपैयाँ भए पनि नाडा अटो शोको विशेष अफर अन्तर्गत यसलाई ४२ लाख ९९ हजार रूपैयाँमा राखिएको हो।
यी गाडीहरूमा अत्याधुनिक ब्याट्री र शक्तिशाली मोटर जडान गरिएको कम्पनीको दाबी छ।
सियरा आकर्षक डिजाइन, लामो रेन्ज र आधुनिक फिचरसहित बजारमा ल्याइएको कम्पनीले जनाएको छ।
यो गाडीमा ६३ किलोवाट आवर र ७५ किलोवाट आवरका दुई ब्याट्री विकल्प छन्।
६३ किलोवाट आवर ब्याट्री भएको मोडलले एकपटक चार्ज गर्दा ५३५ किलोमिटर सम्म र ७५ किलोवाट आवर ब्याट्री भएको मोडलले ६६५ किलोमिटर रेन्ज दिने कम्पनीले जनाएको छ।
फास्ट चार्जिङको सुविधा छ। १५ मिनेट चार्ज गर्दा २६३ किलोमिटरसम्म चलाउन सकिने कम्पनीले जनाएको छ। ब्याट्रीको लाइफटाइम वारेन्टी सुविधा समेत छ।
गाडीमा ६ वटा ड्राइभिङ मोड उपलब्ध छन्।
रिलोडेड नेक्सनमा ४५ किलोवाट आवर क्षमताको अत्याधुनिक 'प्रिज्म्याटिक ब्याट्री' प्रयोग गरिएको छ।
यस ब्याट्रीले एक पटकको फुल चार्जमा ३७५ किलोमिटर रेन्ज दिने कम्पनीको दाबी छ। त्यस्तै ९८ किलोवाट आवरको शक्तिशाली मोटर जडान गरिएको छ।
नेक्सन रिलोडेडलाई ७.२ किलोवाटको एसी चार्जर र ६० किलोवाटसम्मको फास्ट डिसी चार्जरबाट चार्ज गर्न सकिन्छ।
सवारी चलाउँदा ऊर्जा बचत गर्न यसमा चार लेभलको 'रिजेनेरेटिभ ब्रेकिङ सिस्टम' समेत उपलब्ध छ।
टाटा पन्चमा ठूलो ब्याट्री, अत्याधुनिक फिचर्ससहित उपलब्ध रहेको कम्पनीको भनाइ छ। परिष्कृत डिजाइन तथा एसयुभी अनुभवलाई थप सशक्त बनाउँदै पन्च बजारमा आएको कम्पनीको भनाइ छ।
