चिनियाँ अटोमोबाइल ब्रान्ड डोङफेङले नाडा अटो शोमा आफ्ना दुई नयाँ मोडल सार्वजनिक गरेको छ।
कम्पनीले लक्जरी सेडान इआई००७ र अफरोड सेग्मेन्टको एम हिरो सार्वजनिक गरेको हो।
शोमा कम्पनीका प्रतिनिधिले इआई००७ लाई लक्जरी सेडानका रूपमा प्रस्तुत गर्दै यसमा आकर्षक डिजाइन तथा विभिन्न आधुनिक सुविधा रहेको बताए।
कम्पनीका अनुसार इआई००७ को मूल्य ५९ लाख ९९ हजार रूपैयाँ तोकिएको छ।
सेडान आफ्नो ब्रान्डको क्षमता र प्रविधि देखाउन बजारमा ल्याइएको कम्पनीका प्रतिनिधिले बताए।
अफरोड सेग्मेन्टको एम हिरोलाई कम्पनीले विलासी तथा बलियो अफरोड गाडीका रूपमा प्रस्तुत गरेको छ। यसको डिजाइन, मजबुती र अफरोड क्षमतामा विशेष जोड दिइएको छ।
नेपालमा विद्युतीय तथा नयाँ प्रविधियुक्त सवारीसाधनप्रति आकर्षण बढिरहेका बेला कम्पनीले दुई नयाँ मोडल सार्वजनिक गरेको हो।
इआई००७ ले लक्जरी सेडान बजारलाई लक्षित गरेको छ भने एम हिरोले अफरोड तथा साहसिक ड्राइभिङ रुचाउने ग्राहकलाई लक्षित गरेको देखिन्छ।
