नेपालका लागि लक्जरी तथा इन्टेलिजेन्ट दिपल इभीहरूको आधिकारिक वितरक एमएडब्लू वृद्धि अटोकर्प प्रा.लि.ले नाडा अटो शो २०२६ को अवसरमा दिपल एस०५ म्याक्स भेरियन्टका लागि विशेष मूल्य घोषणा गरेको छ।
यो लक्जरी इभी अब ६१ लाख ४९ हजार रूपैयाँदेखि उपलब्ध हुनेछ। यो विशेष मूल्य नाडा अटो शोको समापनसम्म लागू हुनेछ।
कम्पनीका अनुसार दिपल एस०५ ले प्रिमियम विद्युतीय सवारी बजारमा बलियो उपस्थिति स्थापित गरेको छ। यसको विशिष्ट डिजाइन, परिष्कृत इन्टेरियर, इन्टेलिजेन्ट फिचर तथा आरामदायी ड्राइभिङ अनुभवले आधुनिक लक्जरी इभी खोज्ने ग्राहकहरूमाझ यसलाई रोजाइको मोडल बनाएको छ।
दिपल एस०५ म्याक्समा लक्जरी, स्टाइल र इन्टेलिजेन्ट टेक्नोलोजीको सन्तुलन छ। यसको बाहिरी डिजाइन आकर्षक छ भने फ्रेमलेस ढोकाहरू छन्।
त्यस्तै, यसको प्रिमियम क्याबिनले प्रत्येक यात्रालाई आरामदायी बनाउँछ। रिमोट स्मार्ट इन्टर्याक्सन अर्बिट (आरएसआईओ), एआर हेड–अप डिस्प्ले र इन्टेलिजेन्ट क्विन को–पाइलट सिटजस्ता अत्याधुनिक प्रविधिले दैनिक ड्राइभिङलाई अझ सुविधाजनक, सहज र आनन्ददायी बनाउँछ।
यी विशेषताहरूको संयोजनले एस०५ म्याक्सलाई प्रिमियम आराम, आकर्षक र प्रविधिमैत्री विशिष्ट इलेक्ट्रिक एसयूभीका रूपमा स्थापित गरेको कम्पनीले जनाएको छ।
नाडा अटो शोका लागि घोषणा गरिएको विशेष मूल्यले प्रिमियम इलेक्ट्रिक एसयुभीमा अपग्रेड गर्न चाहने ग्राहकका लागि दिपल एस०५ म्याक्सलाई अझ आकर्षक विकल्प बनाएको छ।
आगन्तुकहरूले नाडा अटो शो २०२६ मा रहेको दिपल पेभिलियनमा दिपल एस०५ म्याक्स अवलोकन गर्न, यसका विशेषताबारे विस्तृत जानकारी लिन तथा विशेष मूल्यको लाभ उठाउन सक्नेछन्।
