नेपालका लागि डोङफेङ नामी इलेक्ट्रिक सवारीसाधनको आधिकारिक वितरक एमएडब्लू वृद्धि मोटर्सले नाडा अटो शो २०२६ मा नयाँ 'नामी बक्स ई२' को बुकिङ तथा बिक्री सुरू गरेको छ।
नयाँ नामी बक्स ई२ दुई भेरियन्ट-बक्स ई२ ३३० र बक्स ई२ ४३०-मा उपलब्ध छ।
नाडा अटो शो अवधिभर बक्स ई२ ३३० विशेष मूल्य २९ लाख ९९ हजार रूपैयाँमा र बक्स ई२ ४३० ३१ लाख ९९ हजार रूपैयाँमा उपलब्ध हुनेछ।
नाडापछि यी भेरियन्टको मूल्य क्रमशः ३० लाख ९९ हजार र ३२ लाख ९९ हजार रूपैयाँ कायम हुने कम्पनीको भनाइ छ।
|
भेरियन्ट
|
नाडा विशेष मूल्य
|
नाडापछिको मूल्य
|
|
नामी बक्स ई२ ३३०
|
२९ लाख ९९ हजार रूपैयाँ
|
३० लाख ९९ हजार रूपैयाँ
|
|
नामी बक्स ई२ ४३०
|
३१ लाख ९९ हजार रूपैयाँ
|
३२ लाख ९९ हजार रूपैयाँ
|
नोट: सिल्भर तथा डुअल-टोन रङका लागि थप ५० हजार रूपैयाँ लाग्नेछ।
सन् २०२४ मा पहिलोपटक नेपाली बजारमा भित्रिएको नामी बक्सले आफ्नो आकर्षक डिजाइन, जीवन्त रङ विकल्प, पाँच जना बस्न मिल्ने फराकिलो क्याबिन, व्यावहारिक ड्राइभिङ रेन्ज र आरामदायी फिचरका कारण छोटो समयमै विशेष पहिचान बनाउन सफल भएको थियो।
नयाँ बक्स ई२ यही प्रमाणित आधारमा तयार गरिएको हो।
यसले विशेषगरी युवा ग्राहक, सहरी प्रयोगकर्ता तथा आफ्नो पहिलो इलेक्ट्रिक कारको खोजीमा रहेका परिवारका लागि इलेक्ट्रिक मोबिलिटीलाई अझ पहुँचयोग्य बनाएको छ।
परिमार्जित फिचर कन्फिगरेसन
नयाँ बक्स ई२ लाई अझ प्रतिस्पर्धी मूल्यमा उत्कृष्ट भ्यालु प्रदान गर्ने गरी तयार गरिएको छ।
अघिल्लो मोडलको तुलनामा नयाँ संस्करणमा लेभल २ एडास, अटोमेटिक पार्किङ र एम्बियन्ट लाइटिङ उपलब्ध छैनन्।
यद्यपि, नयाँ बक्स ई२ मा डार्क मोड, इन-बिल्ट कारप्ले र यात्रुको सुरक्षाका लागि ६ वटा एयरब्याग उपलब्ध छन्।
कम्पनीका अनुसार यसले नामी बक्सका मुख्य विशेषता-आकर्षक डिजाइन, फराकिलो तथा आरामदायी इन्टेरियर, व्यावहारिक ड्राइभिङ रेन्ज र सहज इलेक्ट्रिक मोबिलिटी-लाई निरन्तरता दिएको छ।
बक्स ई२ ३३० ले २३७ किलोमिटर डब्लुएलटीपी रेन्ज प्रदान गर्छ भने बक्स ई२ ४३० ले ३१७ किलोमिटर डब्लुएलटीपी रेन्ज दिन्छ।
यसले ग्राहकलाई आफ्नो दैनिक ड्राइभिङ आवश्यकताअनुसार उपयुक्त विकल्प रोज्ने सुविधा प्रदान गर्छ।
नेपालका सडकमा २ हजारभन्दा बढी नामी इलेक्ट्रिक सवारीसाधन सञ्चालनमा रहेको अवस्थामा नयाँ बक्स ई२ को बिक्री सुरुवातले नेपाली ग्राहकलाई आकर्षक, व्यावहारिक र भ्यालुमा आधारित इलेक्ट्रिक मोबिलिटी प्रदान गर्ने ब्रान्डको प्रतिबद्धतालाई थप बलियो बनाएको छ।
ग्राहकले नाडा अटो शो २०२६ मा डोङफेङ नामीको स्टल नम्बर ए६ र ए७ मा नयाँ नामी बक्स ई२ को अवलोकन, अनुभव तथा बुकिङ गर्न सक्ने कम्पनीको भनाइ छ।
