जिडब्लुएमले नाडा अटो शोमा ओरा–५ र जोलियन म्याक्स इभी सार्वजनिक गरेको छ।
कम्पनीका अनुसार ओरा–५ नयाँ लुक्समा उपलब्ध छ।
यसमा २०० एमएमको ग्राउण्ड क्लियरेन्स र फराकिलो बुट स्पेस रहेको छ।
गाडीमा ३६० डिग्री सराउन्ड भ्यु क्यामरा, प्यानोरामिक सनरुफ, वायरलेस चार्जिङ, एलइडी हेडलाम्प र स्मार्ट ड्राइभिङ असिस्टेन्स सिस्टमलगायतका सुविधा छन्।
ओरा–५ मा एलएफपी अर्थात् लिथियम आइरन फस्फेट ब्याट्री प्रविधि प्रयोग गरिएको छ।
यो ब्याट्री प्रविधि उच्च सुरक्षा, लामो आयु र स्थिर कार्यसम्पादनका लागि प्रयोग गरिन्छ।
गाडीमा १४.६ इन्चको टचस्क्रिन, कनेक्टिभिटी सुविधा र विभिन्न ड्राइभर असिस्टेन्स फिचर पनि उपलब्ध छन्।
ओरा–५ को मूल्य ४८ लाख ४९ हजार रूपैयाँबाट सुरू हुन्छ।
त्यस्तै, जिडब्लुएमले जोलियन म्याक्स इभी पनि प्रदर्शनीमा राखेको छ।
प्योर एसयुभी डिजाइनमा रहेको यो गाडीमा १९० एमएमको ग्राउण्ड क्लियरेन्स छ।
यसमा ५८.३ किलोवाट–आवरको ब्याट्री रहेको छ।
एकपटकको पूर्ण चार्जमा ४०० किलोमिटरभन्दा बढी यात्रा गर्न सक्ने कम्पनीले जनाएको छ।
यसमा १५० किलोवाटको मोटर र २६० एनएम टर्क रहेको छ।
जोलियन म्याक्स इभीमा १४.६ इन्चको टचस्क्रिन, हेडअप डिस्प्ले, प्यानोरामिक सनरुफ, वायरलेस चार्जिङ, एप्पल कारप्ले, एन्ड्रोइड अटो, ३६० डिग्री क्यामरा र विभिन्न सुरक्षा तथा ड्राइभर असिस्टेन्स फिचर उपलब्ध छन्।
यसमा एडाप्टिभ क्रुज कन्ट्रोल, लेन किपिङ असिस्ट, फर्वार्ड कोलिजन वार्निङ र अटोनोमस इमर्जेन्सी ब्रेकिङलगायतका सुविधा छन्।
जोलियन म्याक्स इभीको मूल्य ६० लाख ९९ हजार रूपैयाँ रहेको छ।
नाडा अटो शोमा बुकिङ गर्ने ग्राहकले निःशुल्क इन्सुरेन्स, निःशुल्क रोड ट्याक्स र नगद छुटको सुविधा पाउने कम्पनीले बताएको छ।
