एमजी मोटर्सले नाडा अटो शोमा ह्याचब्याकदेखि एसयुभी र विद्युतीय पिकअपसम्मका गाडी प्रदर्शनीमा राखेको छ।
कम्पनीले एमजी–४ इभी, एमजी एस५ इभी, एमजी एस६ इभी र एमजी यू९ इभीलगायतका मोडल प्रदर्शन गरेको छ।
ह्याचब्याकतर्फ एमजी–४ इभी रहेको छ।
यसको कम्फर्ट भेरियन्टको आधिकारिक मूल्य ४१ लाख ४९ हजार रूपैयाँ रहेकोमा नाडा अटो शोमा ३५ लाख रूपैयाँमा उपलब्ध गराइएको कम्पनीले जनाएको छ।
त्यस्तै, डिलक्स भेरियन्टको आधिकारिक मूल्य ४९ लाख ९९ हजार रूपैयाँ रहेकोमा ४२ लाख रूपैयाँमा उपलब्ध गराइएको छ।
एमजी–४ इभीमा ५१ किलोवाट आवर र ६४ किलोवाट आवरका ब्याट्री विकल्प छन्।
कम्फर्ट भेरियन्टले ३५० किलोमिटर र डिलक्स भेरियन्टले ४३५ किलोमिटरसम्मको डब्लुएलटिपी रेन्ज दिने कम्पनीले जनाएको छ।
यसमा १०.२५ इन्चको टचस्क्रिन, एप्पल कारप्ले, एन्ड्रोइड अटो, एमजी आईस्मार्ट कनेक्टिभिटी र एमजी पाइलट ड्राइभर असिस्टेन्स प्रणाली उपलब्ध छन्।
एसयुभीतर्फ एमजी एस५ इभी रहेको छ।
यो कम्फर्ट र डिलक्स गरी विभिन्न भेरियन्टमा उपलब्ध छ।
यसमा ४९ र ६२ किलोवाट आवरका एलएफपी ब्याट्री विकल्प छन्।
६२ किलोवाट आवरको भेरियन्टले ४३० किलोमिटरसम्मको डब्लुएलटिपी रेन्ज दिने कम्पनीले जनाएको छ।
यसमा रियर ह्विल ड्राइभ, पाँच–लिंक इन्डिपेन्डेन्ट रियर सस्पेन्सन, १२.८ इन्चको सेन्ट्रल कन्ट्रोल स्क्रिन, १०.२५ इन्चको इन्स्ट्रुमेन्ट क्लस्टर र ४५३ लिटरको बुट स्पेसलगायतका सुविधा छन्।
एमजी एस६ इभीलाई कम्पनीले अझ प्रिमियम विद्युतीय एसयुभीका रूपमा प्रस्तुत गरेको छ।
यसमा ७७ किलोवाट आवरको ब्याट्री र ५३० किलोमिटरसम्मको डब्लुएलटिपी रेन्ज रहेको छ।
१५० किलोवाटको फास्ट चार्जरबाट १० देखि ८० प्रतिशतसम्म चार्ज गर्न ३८ मिनेट लाग्ने कम्पनीले जनाएको छ।
यसमा १२.८ इन्चको टचस्क्रिन, १०.२५ इन्चको ड्राइभर डिस्प्ले, हेडअप डिस्प्ले र ३६० डिग्री सराउन्ड भ्यु क्यामरालगायतका सुविधा छन्।
त्यस्तै, एमजी यू९ इभी विद्युतीय पिकअप ट्रक हो।
कम्पनीले यसलाई प्रिमियम विद्युतीय पिकअपका रूपमा प्रस्तुत गरेको छ।
यसको मूल्य कम्पनीको वेबसाइटमा ९८ लाख ९९ हजार रूपैयाँबाट सुरब हुने उल्लेख छ।
नाडा अटो शोमा एमजीका गाडी बुकिङ गर्ने ग्राहकलाई कम्पनीले नगद छुटको सुविधा दिएको छ।
एमजीका अनुसार एमजी–४ इभीमा उल्लेखित विशेष मूल्य कायम गरिएको छ भने पिकअप ट्रक एमजी यू९ इभीमा डेढ लाख रूपैयाँ छुटको व्यवस्था गरिएको छ।
साथै, एमजी एस६ इभीमा ११ वर्षको वारेन्टी र इन्स्योरेन्स सुविधा उपलब्ध गराइएको कम्पनीले जनाएको छ।
