यामाहाले नाडा अटो शो २०२६ मा स्कुटर तथा मोटरसाइकलका नयाँ मोडल प्रदर्शनीमा राखेको छ।
स्कुटरतर्फ फ्यासिनो एस हाइब्रिड, फ्यासिनो डिस्क हाइब्रिड र एरक्स १५५ एस छन्।
फ्यासिनो एस हाइब्रिड र फ्यासिनो डिस्क हाइब्रिडमा हाइब्रिड प्रविधि प्रयोग गरिएको छ।
फ्यासिनो एसमा स्मार्ट मोटर जेनेरेटर, स्वचालित स्टप–स्टार्ट प्रणाली, पावर असिस्ट र 'वाई–कनेक्ट' जस्ता सुविधा छन्।
एरक्स १५५ एस स्पोर्टी डिजाइनको स्कुटर हो। यसमा १५५ सीसी इन्जिन र ‘कीलेस’ स्टार्ट प्रणालीलगायतका सुविधा छन्।
कम्पनीका अनुसार फ्यासिनोका नयाँ मोडल र एरक्स १५५ एसको बुकिङ खुला गरिएको छ।
बुकिङ गर्ने ग्राहकले मंसिरमा डेलिभरी पाउनेछन्।
बाइकतर्फ यामाहाले एक्सएसआर १५५ सार्वजनिक गरेको छ।
रेट्रो–मोडर्न डिजाइनमा रहेको यसमा १५५ सिसी इन्जिन, टियरड्रप आकारको इन्धन ट्यांकी, गोलाकार एलईडी हेडलाम्प र फ्ल्याट बेन्च शैलीको सिटलगायतका विशेषता छन्।
एक्सएसआर १५५ रातो, कालो र ग्रे गरी तीन रंग उपलब्ध छ।
रातो रंगको मूल्य ५ लाख ३९ हजार ९०० रुपैयाँ, सिल्भर ५ लाख ४४ हजार ९०० रूपैयाँ र कालो रंगको ५ लाख ५९ हजार ९०० रूपैयाँ रहेको छ।
कम्पनीका प्रतिनिधिका अनुसार एक्सएसआर १५५ को अहिले बुकिङ गर्ने ग्राहकले असोजसम्म डेलिभरी पाउनेछन्।
यामाहा नेपालले नाडा अटो शोबाटै एक्सएसआर १५५ को विशेष प्रि–बुकिङ खुला गरेको जनाएको छ।
