साउदी अरबले शनिबारदेखि लागु हुने गरी देशभित्रका सबै हवाइ सेवा पनि बन्द गरेको छ।
समाचार संस्था रोयटर्सका अनुसार कोरोना भाइरसको संक्रमण नफैलिओस् भने शनिबारदेखि १४ दिनसम्म जहाज, बस, रेल र ट्याक्सी बन्द गर्न लागिएको हो।।
साउदी अरबमा अहिलेसम्म २ सय ७४ जनामा कोरोना भाइरसको संक्रमण देखिएको छ तर कसैको मृत्यु भने भएको छैन।
साउदीले यसअघि नै विभिन्न देशबाट आउने अन्तर्राष्ट्रिय उडान बन्द गरिसकेको छ।
