कोरोना संक्रमित कलाकार मदनकृष्ण श्रेष्ठ डिस्चार्ज भएका छन्।
विगत ८ दिनदेखि मेडिसिटीमा उपचारत उनी शुक्रबार डिस्चार्ज भएका हुन्।
डिस्चार्जपछि उनले भिडिओमार्फत् संक्रमित भएपछिको अनुभव साटेका छन्।
उनले यो दु:खको घडीमा सबैले सबैलाई माया गर्न सुझाएका छन्।
‘कोरोना कहर महासंकट हो। यो बेलामा सबैले सबैलाई माया गरौं, सबैले सबैको हित सोचौं। केही छैन जिन्दगी। शरीर फलामजस्तो लाग्थ्यो। पहाड फोड्दिऊँजस्तो लाग्थ्यो’, भिडिओ सन्देशमार्फत् उनले भनेका छन्,‘हावा रहेछ सबै। केही रहेनछ। त्यही भएर योबेला पोटिकल इखविख बोकेर आफ्नो मनलाई फोहर गर्ने काम बन्द गरौं।’
गत वैशाख ६ गते उनको परिवारका पाँचै जना सदस्यलाई कोरोना संक्रमण भएको थियो।
श्रेष्ठलाई निकै कमजोर महशुस भएपछि ललितपुरको मेडिसिटी अस्पतालमा भर्ना गरिएको थियो।