बलिउड अभिनेत्री सोनाक्षी सिन्हा र हुमा कुरैशी अभिनीत फिल्म 'डबल एक्सएल' को ट्रेलर सार्वजनिक भएको छ।
बुधबार सार्वजनिक गरिएको ट्रेलरमा हुमा खेलकुद संवाददाता बन्ने सपना देख्छिन्। सपनामा उनी क्रिकेटर शिखर धवनसँग डान्स गर्दै गरेको समेत देख्छिन् तर मोटी हुँदा उनले काम पाउँदिनन्।
त्यस्तै ट्रेलरमा सोनाक्षीलाई उनको प्रेमीले धोका दिएको देखाइएको छ। यसैबीच सोनाक्षी र हुमाको भेट हुन्छ।
यो फिल्म दुई मोटी महिला राजश्री त्रिवेदी र सैयरा खन्नको मित्रतामा आधारित छ। सतरामम रमानीले निर्देशन गरेको फिल्ममा सोनाक्षी र हुमासँगै जहर इकबाल र महत राघवेन्द्र लगायतको अभिनय छ।
कमेडी जनराको फिल्ममा भुषण कुमार, कृष्ण कुमार, विपुल डि शाह, राजेश बाह्ल, अश्विन वर्दे, सन्दिव सलेम, हुमा कुरैशी र मुदसर एजाजको लगानी रहेको छ।
यो फिल्म नोभेम्बर ४ देखि प्रदर्शन हुनेछ।
