आगामी असोज २२ गते राष्ट्रव्यापी दोस्रो एनटिएस कौसी क्विन– २०७८ प्रतियोगिता हुने भएको छ। ‘शहरी दिगोपन : स्थिरता प्रवर्धनका लागि कौसीखेती’ भन्ने नारासहित प्रतियोगिता हुन लागेको हो।
शहरका कौसीमा पनि तरकारी तथा फलफूल खेती प्रवर्द्धन र कौसी खेती गरिरहेकाहरूलाई उर्जा प्रदान गर्ने उद्देश्यले प्रतियोगिता गर्न लागेको आयोजक प्रज्ञान क्रिएसनले जनाएको छ ।
अध्यक्ष मनोज श्रेष्ठका अनुसार कौसीमा लगाइएको तरकारी तथा फलफूल खेती गर्नेहरुले प्रतिस्पर्धामा सहभागी हुन पाउनेछन्। कौसीमा काम गर्दै गरेको फोटो र भिडियो पठाएर सहभागी हुने सम्पूर्णलाई एक हजार रुपैयाँ बराबरको कौसी सामग्रीहरु समेत दिइने उनले बताए ।
प्रतियोगितामा सहभागी हुन सहभागीले कौसीमा रोपिएका तरकारी तथा फूलबारीमा काम गरेको १० वटा फोटो र बढीमा १० मिनेटको halokhabar@gmail.com मा इमेल पठाउनुपर्ने हुन्छ। सहभागिताको लागि कुनै शुल्क पर्ने छैन। फोटो पठाउन २०७८ भदौ २० गतेसम्मको समय तोकिएको छ ।
त्यस्तै भदौ २२ देखि असोज २० गतेसम्म भोटिङको समय हुनेछ। प्रतियोगिताको विजेताले ५० हजार बराबरको ग्रिन हाउस पाउनेछ। दोस्रो हुनेले २० हजार, तेस्रोले १५ हजार र चौथोले १० हजार बराबरको कौसी खेतीका सामग्री पाउने श्रेष्ठले जानकारी दिए।
यस इभेन्टमा नेपालस्थित इजरायली राजदूत खनान गोदार, काठमाडौं महानगरपालिकाका कृषि शाखा प्रमुख हरि भण्डारी, कृषि विज्ञ डा. विष्णुप्रसाद चापागाई, गत सालको फूलतर्फकी विजेता डा. नम्रता पाण्डे र कृषि ज्ञान केन्द्र, ललितपुरका प्रमुख कृष्णभद्र अधिकारी निर्णायक मण्डलमा रहनेछन्।
