नेपालमा दुइपांग्रे सवारी साधनको तुलनामा चार पांग्रे सवारी साधनको बिक्री निकै न्यून छ।
कोरोनाको संक्रमण रोक्न गरिएको लकडाउनपछि दुईपांग्रे सवारी साधनको सेल्स निकै बढे पनि चार पांग्रे सवारी साधनको बिक्री भने नबढेको नाडा अटोमोबाइल्स एसोसिएसन अफ नेपालका सचिव अनुप कुमार बरालले बताए।
‘मौद्रिक नीतिले सबै क्षेत्रलाई सम्बोधन गर्यो तर गाडी किन्दा डाउन पेमेन्टमा लगाइएको ५० प्रतिशतको क्याप हटाइएन। शोरुम भिजिट र इन्क्वायरी निकै राम्रो छ तर डाउन पेमेन्टका कारण जनताले गाडी किन्न सकेका छैनन्,’ बरालले सेतोपाटीसँग भने।
कम्तीमा सस्ता सुरूआती गाडीमा यति धेरै डाउन पेमेन्ट लगाउन नहुने उनले बताए।
कोरोना महामारीको समयमा निजी सवारी साधनलाई प्रोत्साहन गर्नुपर्ने बरालको तर्क छ।
‘अहिलेको अवस्थामा आफ्ना परिवारलाई सार्वजनिक यातायात चढाउन नचाहानेले सस्तो गाडी किन्छु भन्दा पनि सरकार बाधक बनेको छ,’ बरालले भने।
यी हुन् नेपालमा पाइने २५ लाख सम्मका गाडी:
ब्राण्ड | मोडल | इन्जिन क्षमता | मूल्य |
सुजुकी | अल्टो ८०० एलएक्सआई | ७९६ सिसि | २०,९९,००० |
सुजुकी | अल्टो ८०० एसटिडी | ७९६ सिसि | १८,९९,००० |
सुजुकी | अल्टो ८०० भिएक्सआई | ७९६ सिसि | २२,९९,००० |
सुजुकी | वागनआर भिएक्सआई(ओ) | ९९८ सिसि | २४,९९,००० |
सुजुकी | सेलिरियो भिएक्सआई | ९९८ सिसि | २४,९९,००० |
सुजुकी | एस–प्रेसो एसटिडी | ९९८ सिसि | २३,४९,००० |
सुजुकी | एस–प्रेसो एलएक्सआई | ९९८ सिसि | २४,४९,००० |
सुजुकी | एस–प्रेसो भिएक्सआई | ९९८ सिसि | २५,४९,००० |
सुजुकी | एस–प्रेसो जेडएक्सआई | ९९८ सिसि | २५,९९,००० |
हुण्डाई | इरा | १०८६ सिसि | २३,९६,००० |
टाटा | टियागो एक्सई | ११९९ सिसि | २४,९९,००० |
डाट्सन | रेडी गो टि(ओ) | ७९९ सिसि | १९,९९,००० |
डाट्सन | रेडी गो टि(ओ) | ९९९ सिसि | २१,९९,००० |
डाट्सन | न्यू गो ए ओ | ११९८ सिसि | २५,९९,००० |
रेनो | क्विड आरएक्सटी‘०’(एमटी) | ९९९ सिसि | २३,९०,००० |
रेनो | क्विड आरएक्सटी‘०’(एएमटी) | ९९९ सिसि | २४,९०,००० |
