सर्लाहीमा केन्द्रीय कार्यालय भएको सहारा विकास बैंकको हकप्रद सेयरका लागि बोलकबोल हुने भएको छ।
यसअघि २०७५ सालमा आवेदन माग गरेर बिक्री गर्न खोज्दा बिकेको थिएन। संस्थापक समूहको ९ लाख २१ हजार १४८ कित्ता हकप्रद शेयरका बिक्रीका लागि लिलामी खुल्ने भएको छ।
एनआइबिएल क्यापिटल बिक्री प्रबन्धक भएको यो लिलामी साउन ३० गते खुलेर भदौ ५ गते बन्द हुने छ। यो बीचमा परेका आवदेनमा संस्थापक शेयरधनीहरुलाई नै पहिलो प्राथिमकता दिने बैंक सञ्चालक समितिले जानकारी गराएको छ।
एनआईबिएल एस क्यापिटल लिमिटेड, लाजिम्पाट, काठमाडौं तथा शाखा कार्यालयहरुः पुतलीसडक काठमाडौं, लगनखेल ललितपुर, चिप्लेढुङ्गा पोखरा, ट्राफिकचोक बुटवल, आदर्श नगर बीरगंज र गोल्छाचोक विराटनगर । नेपाल इन्भेष्टमेन्ट बैंक लिमिटेडको शाखा कार्यालयहरु नारायणगढ, हेटौंडा, बिर्तामोड, जनकपुर, तुल्सीपुर,दाङ, सुर्खेत, नेपालगन्ज र धनगढी। सहारा विकास बैंक लि. मलंगवा, बरबहवा, लालबन्दी, इश्वरपुर, गोडैता सलाहीबाट आवदेन पाइने छ।
सय रुपैयाँमा बोलपत्र आवेदन फाराम किनी आफूले लिन चाहेको शेयर कित्ताको दर रेट अंक र अक्षरमा खुलाउनुपर्ने छ।
शेयर खरीदको लागि बोलकबोल पेश गर्दा न्यूनतम हजार कित्ताको लागि आवेदन दिनु पर्नेछ।