लघु, साना तथा मझौला व्यवसायहरु (एमएसएमई) लाई सहयोग गर्न वान टु वाच, एन एम बी बैंक, लक्ष्मी बैंक र स्वीस सरकार बिकास सहयोग एसडिसीबीच साझेदारी भएको छ।
साझेदारीपछि एमएसएमई कोषको घोषणा समेत गरिएको छ।
कोषको उद्देश्य कोभिड – १९ बाट प्रभावित लघु, साना तथा मझौला व्यावसायहरुलाई सहयोग दिने रहेको छ। यो कोषबाट व्यवसायहरुलाई छोटो अवधिको लागि कर्जा प्रदान गर्ने बताइएको छ।
साथै व्यवसाय अनुकूल परामर्श र तालिम पनि प्रदान गरी रोजगारी जोगाउन मद्दत गर्ने भएको छ। यो कोषद्वारा करिब १०० व्यवसायलाई सहयोग पर्याउने र करिब हजार रोजगारी जोगाउने अपेक्षा गरिएको छ।
यस अन्तर्गत कोभिड १९ बाट प्रभावित तर व्यवसाय गर्ने क्षमता भएका व्यवसायलाई धितो रहित कर्जा र १८ महिना सम्मको लागि व्याज पनि मिनाहा
गरिने जानकारी दिइएको छ।
एमएसई हरुलाई यस समय विशेष ध्यान र सहयोगको आवश्यकता रहेको बताइएको छ।
यस क्षेत्रले देशको अर्थतन्त्र पुनः चलायमान गराउन र दीर्घकालीन अवधिमा अर्थतन्त्रलाई गति दिएर टेवा पुर्याउने विश्वास लिइएको छ।