नबिल बैंक र आर एण्ड डी इनोभेटिभ सोलुसन्सबीच कृषि प्राविधिकहरुलाई आवश्कता अनुसार बैंकिङ सेवाहरु प्रदान गर्ने सम्झौता भएको छ।
कृषि प्राविधिकहरुका आवश्कता अनुसार कृषि तथा पशुपालन कर्जालगायत विभिन्न बैंकिङ सुविधा र सेवाहरु प्रदान गरी सफल कृषि उद्यमी बनाउन र देशको आर्थिक विकासमा योगदान पु¥याउन उत्साहित भएको बैंकले प्रेस विज्ञप्तीमार्फत् जानकारी दिएको छ।
योजना अनुसार उद्यम गर्न चाहने प्राविधिकहरुको छनौट गरि उद्यमशिलता विकास सम्बन्धि आधारभूत तालिम दिई बैंक समक्ष सहुलियत कर्जाका लागि सिफारिस गरिने बैंकले बताएको छ। सिफारिस भएका प्राविधिकहरुको व्यवसायिक योजनाका आधारमा १० लाखसम्मको सहुलियत कर्जा नबिल बैंकले उपलब्ध गराउने बताइएको छ।
यस कार्यक्रम अन्तर्गत जेटिए, जेटि, आईएस्सी एजी र बि.एस्सी.एजी अध्ययन गरेकाले भाग लिन सक्नेछन्। यस कार्यक्रम अन्तर्गत आगामी एक वर्ष भित्रमा कम्तिमा एक सय जना कृषि प्राविधिकहरुलाई उनीहरुकै ठाउँमा उद्यमविकास गर्ने योजना बनाइएको विज्ञप्तीमा उल्लेख छ।
