टाटा मोटर्सको पिकअप र कार्गो किन्नेलाई सांग्रिला डेभलपमेन्ट बैंकले बिनाधितो सहुलियतपूर्ण कर्जा दिने भएको छ।
टाटा मोटर्सको नेपालका लागि आधिकारिक वितरक सिप्रदी ट्रेडिङ्ग र सांग्रिला डेभलपमेन्ट बैंकबीच सो सम्झौता भएको हो।
सम्झौताअनुसार सिप्रदी ट्रेडिङको सिफारिसमा एक हजार पाँच सय ग्राहकले टाटा मोटर्स ब्राण्डका पिकअप र कार्गो गाडी खरिदका लागि सांग्रिला बैंकबाट बिना धितो अधिकतम ७० प्रतिशत कर्जा पाउने छन्। जसको ब्याजदर एक प्रतिशतभन्दा न्यून रहेको छ।
गाडी खरिद गर्न इच्छुक उद्यमी र संस्थाहरुलाई सहज रुपले नेपाल राष्ट्र बैंकको कार्यविधिभित्र रही कर्जा प्रदान गर्ने सम्झौता भएको कम्पनीले बताएको छ।
सरल कर्जा उपलब्ध गराउने उद्देश्यले यो सुविधा सिप्रदी ट्रेडिङ्गका देशभरी रहेका डिलरहरु र सांग्रिला डेभलपमेन्ट बैंकका सबै शाखाबाट कर्जा सुविधा उपलब्ध हुने उल्लेख छ।