बुधबार सेयर बजारको परिसूचक नेप्से करिब १७ अंकले घटेको छ।
१६.९७ अंकको गिरावटपछि परिसूचक २८०१ अंकमा कायम भएको छ। यस दिन ४ अर्ब ५८ करोड रुपैयाँको सेयर किनबेच भएको छ। हिजो ४ अर्ब २२ करोडको कारोबार भएको थियो।
विकास बैंक र माइक्रोफाइनान्स समूह यस दिन बढेका छन् भने अरु सबै घटेका छन्। विकास बैंक ११ र माइक्रोफाइनान्स १९ अंकले बढे। बैंकिङ ३, ब्यापार १२, होटल तथा पर्यटन ७४, जलविद्युत ५९, फाइनान्स ३२, निर्जीवन बीमा १४४, उत्पादन १३३, अन्य १८ र जीवन बीमा समूह ७५ अंकले घटे।
सेन्चुरी कमर्सियल बैंक संस्थापक समूहको मूल्य सबैभन्दा धेरै साढे ३ प्रतिशतले बढेको छ। त्यस्तै प्राइम कमर्सियल बैंक संस्थापक समूहकै मूल्य पनि ३.५ प्रतिशतले बढेको छ। सिभिल लघुवित्तको मूल्य ३ प्रतिशतले बढेको छ भने मूल्य बढ्ने अरु कम्पनीको दर ३ प्रतिशतमुनि रह्यो।
यस दिन माथिल्लो तामाकोसीको मूल्य सबैभन्दा धेरैले घटेको छ। सो कम्पनीको मूल्य ५ प्रतिशत अर्थात प्रतिकित्ता ३९ रुपैयाँले घटेको छ। कम्पनीको मूल्य प्रतिकित्ता ६७७ रुपैयाँमा झरेको छ।
त्यस्तै युनाइटेड इदी मर्दीको मूल्य पनि ५ प्रतिशत अर्थात प्रतिकित्ता २५ रुपैयाँले घटेको छ। कम्पनीको मूल्य प्रतिकित्ता ४५७ रुपैयाँमा झरेको छ। राधी विद्युत, शिवश्री हाइड्रो, घलेम्दी हाइड्रो तथा युनिभर्सल पावर, ओरेन्टल होटल तथा सेन्ट्रल फाइनान्सको मूल्य ३ प्रतिशतभन्दा धेरैले घटेको छ।
