सोमबार सेयर बजारको परिसूचक नेप्सेमा ८ अंकको सुधार आएको छ। सो अंकको गिरावटपछि परिसूचक ३ हजार ५० अंकमा कायम भएको छ।
यसअघि आइतबार परिसूचकले अहिलेसम्मकै उच्च ३ हजार ५८ अंकको रेकर्ड बनाएको थियो। आज बैंकिङ समूहमा आएको उच्च गिरावटले परिसूचकलाई असर पारेको हो।
हिजोसम्म सो समूहले नै बजारलाई डोहोर्याएकोमा आज सो समूहमा नै ठूलो 'करेक्सन' देखिएको छ। गुमाउनेमा पनि अधिकांश बैंकिङ समूहका लगानीकर्ता अगाडि रहे।
आज १४ अर्ब १३ करोड रुपैयाँको सेयर किनबेच भएको छ। यसअघि हिजो १४ अर्ब ३० करोडको कारोबार भएको थियो।
यस दिन ७ कम्पनीको मूल्य भने १० प्रतिशतले बढेको छ। ग्रीनलाइफ हाइड्रोपावर, जानाकी फाइनान्स, रिडी हाइड्रोपावर, माउन्टेन हाइड्रो, विशाल बजार कम्पनी, ङादी ग्रुप र हिमालय उर्जा विकास कम्पनीको मूल्य १० प्रतिशतले बढेको छ। त्यसपछि सान्जेन र रसुवागढी जलविद्युतको साढे ८ प्रतिशतले बढेको छ। प्रोग्रेसिभ फाइनान्सको मूल्य ८ प्रतिशतले बढ्यो।
घट्नेमा सबैभन्दा धेरै पोखरा फाइनान्सको मूल्य ५ प्रतिशतले घट्यो। सनराइज बैंकको मूल्य ३.९, लक्ष्मी बैंकको ३.६, माछापुच्छ्रे बैंकको ३.५, सिटिजन्सको ३.३, सानिमाको ३.३ र कृषि विकास बैंकको मूल्य ३ प्रतिशतले घटेको छ।
समूहगत रुपमा हेर्दा बैंकिङ सबैभन्दा धेरै ४३ अंकले घट्यो। त्यस्तै विकास बैंक ३४ र अन्य समूह १० अंकले घट्यो।
ब्यापार ५५, होटल तथा पर्यटन १४, जलविद्युत १०२, फाइनान्स ६५, निर्जीवन बीमा १४, उत्पादन ८४, माइक्रोफाइनान्स ९८ र जीवन बीमा समूह ६८ अंकले बढे।
कारोबारका आधारमा ङादी ग्रुप अग्रस्थानमा रह्यो। सो कम्पनीको ३९ करोड रुपैयाँको सेयर किनबेच हुँदा हिमालय डिस्टिलरी र एनआइसी एसियाको ३३–३३ करोड रुपैयाँको कारोबार भयो। कृषि विकास र नेपाल बैंक पनि कारोबारका आधारमा अगाडि रहे।