असोजको पहिलो साता वाणिज्य बैंकहरुमा जम्मा ९ अर्ब रुपैयाँ निक्षेप थपिएको छ।
भदौ ३१ गतेसम्म कुल ४१ खर्ब ७१ अर्ब रुपैयाँ निक्षेप संकलन भएकोमा असोज ८ गतेसम्म आउँदा ४१ खर्ब ८० अर्ब रुपैयाँ पुगेको छ।
निक्षेपमा झिनो सुधार हुँदा कर्जा प्रवाह भने उच्च देखिन्छ। सोही एक हप्ताको अवधिमा ३१ अर्ब कर्जा बढेको छ। भदौ मसान्तसम्म कुल ३८ खर्ब ७२ अर्ब रुपैयाँ कर्जा प्रवाह भएकोमा असोज ८ गतेसम्म आउँदा ३९ खर्ब ३ अर्ब रुपैयाँ पुगेको छ।
निक्षेपमा उल्लेख्य वृद्धि हुन नसक्दा पछिल्लो समय बैंकहरुलाई नगद कोष अनुपात व्यवस्थापन गर्न समस्या भएको छ।
समस्यापछि बैंकहरुले राष्ट्र बैंकसँग लिने एसएलएफ (सापटी) सुविधा पनि उच्च छ। सोमबार मात्रै बैंकहरुले १७ अर्ब ६९ करोड रुपैयाँ एसएलएफ लिएका छन्। यसअघि आइतबार २१ अर्ब ९४ करोड रुपैयाँ लिएका थिए।