बुधबार पनि सेयर बजार घटेको छ। आज सेयर बजारको परिसूचक ३८.४२ अंकले घटेर २७७६.६५ पुगेको हो।
दिनभरमा २३३ कम्पनीको ९३ लाख ५८ हजार ७ सय सेयर किनबेच हुँदा ४ अर्ब ३१ करोड ३१ लाख ५४ हजार ४२ रुपैयाँ १७ पैसाको कारोबार भएको छ।
त्यस्तै, कारोबार भएका कुल कम्पनीमध्ये १७० कम्पनीको मूल्य घटेको छ भने जम्मा १५ कम्पनीको मूल्य बढेको छ। बाँकी ५ कम्पनीको मूल्य स्थिर छ। आज कारोबारमा आएका १३ वटै उपसमूहहरू सूचक नकारात्मक देखिएका छन्।
आज विन नेपाल लगुवित्तीय कम्पनी र बुद्ध भूमी नेपाल हाइड्रोपावर कम्पनीको सेयर १० प्रतिशतले बढेको छ। सिइडिबी हाइड्रोपावर कम्पनीको ४.९७ प्रतिशत र सानिमा जेनेरेल इन्स्योरेन्सको ४.०३ प्रतिशतले बढेको छ। बाकीँ अन्य कम्पनीहरूको मूल्य २ प्रतिशतभन्दा कमले मात्रै बढेको छ भने धेरैको नकारात्मक अंकले घटेको छ।
नेपाल स्टक एक्सचेन्जकाअनुसार आज अपी पावर कम्पनीको सबै भन्दा धेरै सेयर कारोबार भएको छ। कम्पनीको १६ करोड ७७ लाख ५७ हजार ४३४ रुपैयाँ २० पैसाको कारोबार भएको हो।
यसपछि अरुन भ्याली हाइड्रोपावर कम्पनीको १३ करोड ५५ लाख ६७ हजार १३६ रुपैयाँ १० पैसा, अपर तामाकोशी हाइड्रोपावर कम्पनीको १० करोड ३१ लाख ६८ हजार ५६९ रुपैयाँ ३० पैसा, हाइड्रो इलेक्ट्रिसिटी इनभेस्टपेन्ट एन्ड डिभलप्मेन्ट कम्पनीको ९ करोड ८६ लाख ८० हजार ९५८ रुपैयाँ र एनटिसीको ९ करोड ४० लाख २० हजार ६७२ रुपैयाँ ८० पैसाको कारोबार भएको छ।