वाणिज्य बैंकहरूको निक्षेपमा झिनो सुधार देखिएको छ। वैशाख तेस्रो साताको तुलनामा चौथो सातामा वाणिज्य बैंकहरूको निक्षेप संकलन पाँच अर्ब रूपैयाँले मात्र बढेको हो।
नेपाल बैंकर्स संघका अनुसार वैशाख चौथो सातामा वाणिज्य बैंकहरूको कुल निक्षेप ४३ खर्ब ७३ अर्ब रूपैयाँ पुगेको छ। वैशाख १६ गतेसम्म ४३ खर्ब ६७ अर्ब रूपैयाँ रहेको निक्षेप २३ वैशाखसम्म आइपुग्दा पाँच अर्ब बढेर ४३ खर्ब ७३ अर्ब रूपैयाँ पुगेको हो।
वैशाखयता निरन्तर घटेको निक्षेप पछिल्लो साता केही सुधार देखिएको छ। वैशाख चौथो साता निक्षेपमा सुधार आए पनि कर्जा लगानी भने घटेको छ।
तेस्रो साता ४१ खर्ब ९३ अर्ब रूपैयाँ कर्जा लगानी भएकोमा चौथो सातामा ४१ खर्ब ९७ अर्ब बराबर कर्जा लगानी भएको हो।
गत साताको तुलनामा कर्जा लगानीमा चार अर्ब रूपैयाँ कमी आएको छ। बैंकहरूले गत फागुन चौथो साता ४३ खर्ब ८९ अर्ब निक्षेप संकलन र ४१ खर्ब ९७ अर्ब रूपैयाँ कर्जा लगानी गरेका थिए।
संघले सार्वजनिक गरेको तथ्यांकअनुसार वाणिज्य बैंकहरूको कर्जा-निक्षेप अनुपात (सिडी रेसियो) ९०.८१ प्रतिशत पुगेको छ।
