माछापुच्छ्रे बैंकले भाटभटेनी सुपरमार्केट तथा डिपार्टमेन्टल स्टोरलाई एनसिएचएलद्वारा प्रवर्द्धित 'नेपाल पे' क्युआर कोड हस्तान्तरण गरेको छ।
नगदरहित कारोबारलाई प्रवर्द्धन गर्ने तथा ग्राहक एव्म व्यापारीलाई सहज डिजिटल बैंकिङ सेवाको पहुँच पुर्याउने लक्ष्यका साथ उक्त क्युआर सेवा सञ्चालनमा ल्याएको बैंकले बताएको छ।
एक औपचारिक कार्यक्रमका बीच बैंकका प्रमुख कार्यकारी अधिकृत सन्तोष कोइरालाले भाटभटेनी सुपरमार्केटका अध्यक्ष मीन बहादुर गुरुङलाई उक्त कार्ड हस्तान्तरण गरेका हुन्।
उक्त क्युआर सेवा सुरू भएसँगै ग्राहकहरूले आफुले उपभोग गरेको वस्तु तथा सेवाको रकम भुक्तानी सिधै आफ्नो बैंक खाताबाट एम स्मार्ट (मोबाइल बैंकिङ एप्लिकेशन अफ एमबिएल) मार्फत भुक्तानी गर्न सक्ने बताइएको छ।
