नेपाल एसबिआई बैंकले आर्थिक वर्ष २०७८/७९ को मुनाफाबाट सेयरधनीहरूलाई लाभांश दिने घोषणा गरेको छ।
बैंकको सोमबार बसेको सञ्चालक समितिको बैठकले ३ प्रतिशत बोनस सेयर र ७.५३ प्रतिशत नगद गरी कुल १०.५३ प्रतिशत लाभांश वितरण गर्ने निर्णय गरेको हो।
प्रस्तावित उक्त लाभांश नियामक नेपाल राष्ट्र बैंक र आगामी २९औं वार्षिक साधारण सभाले पारित गरेपछि सेयरधनीहरूले पाउनेछन्।
हाल कम्पनीको चुक्ता पुँजी ९ अर्ब ८२ करोड ५८ लाख ५३ हजार ११३ रुपैयाँ रहेको छ। सोही पुँजीको आधारमा कम्पनीले लाभांश दिन लागेको हो।
बैंकले गत वर्ष भने ३.५ प्रतिशत बोनस सेयर र १.८१ प्रतिशत लाभांश गरी कुल ५.३१ प्रतिशत नगद लाभांश वितरण गरेको थियो।
गत वर्षको तुलनामा बैंकले लाभांश दर बढाएको हाे।
