चाडपर्व लक्षित सहुलियत मूल्य पसल माघ २ गतेसम्म सञ्चालन हुने भएको छ।
खाद्य व्यवस्था तथा व्यापार कम्पनीले माघी पर्वसम्म सुपथ मूल्य पसल सञ्चालन गर्ने निर्णय गरेको हो।
कोभिडको असर बाँकी नै रहेकोले उपभोक्तालाई केही सहज होस् भनेर माघी पर्वसम्म सहुलियत पसल सञ्चालन गर्ने निर्णय गरिएको खाद्य व्यवस्था तथा व्यापार कम्पनीका प्रमुख नेत्र प्रसाद सुवेदीले जानकारी दिए।
‘माघी पनि पर्व नै हो। सहुलियत पसलले उपभोक्तालाई केही सहज हुन्छ,’ उनले भने, ‘हामी माघ दुई गतेसम्म सहुलियत पसल राख्छौं।’
खाद्य कम्पनीले बेच्दै आएको चामल, तिते फापर, कर्णालीको सिमी, इन्डक्सन चुल्हो, डिडिसीको घ्यू र पिठो उपभोक्ताले सहुलियत मूल्यमा पाउने छन्। साल्ट र डिडिसीको सामान भने सहुलियत मूल्यमा पाइँदैन।
कम्पनीकाे २९ ठाउँमा बिक्री केन्द्र छ।
.jpg)
