२०१८ का लागि वाईवाई ग्लोकल टिन हिरोको आह्वान गरिएको छ। आवेदन मे ५ तारिखबाट खुल्ने छ। इच्छुकले www.nepal.glocalteenhero.com मार्फत आवेदन दिन सक्नेछन्।
किशोरकिशोरीहरुमा भएको उत्साह, रचनात्मक सिर्जना तथा चाहनाको पहिचान गरी अन्य पक्षलाई उद्यमी सोचाइको विकास गर्न उत्प्रेरित गर्ने उद्देश्यले ग्लोकल टिन हिरो आयोजना हुँदै आएको छ।
देशका विभिन्न ठाउँबाट किशोरकिशोरीहरुलाई यसकार्यक्रममा सहभागी गराउने उद्येश्यले काठमाडौँ उपत्यका लगायत धनगडी, महेन्द्रनगर, नेपालगञ्ज, बाग्लुंग, बुटवल, भैरहवा, जनकपुर, झापा, बिराटनगर, लहान र पोखरा गरी विभिन्न २८ सहरहरुमा आयोजक समूह जाने भएको छ। समूहले कक्षा ८ देखि १२ सम्मका किशोर किरोरीले समाजमा गरेका रचनात्मक कार्याहरुको मूल्याङ्कन गर्नेछ।
वाईवाई ग्लोकल टिन हिरोकी संयोजक काजोल झाले पहिलो चरणमा कुल आवेदकबाट अन्तरबार्ता र दस्ताबेज समीक्षाको आधारमा ग्लोकल २० अन्डर २०को घोषणा गरिने जानकारी दिइन्।
त्यसपछि उनीहरुको कामको सुरुवात र प्रभावको आधारमा उत्कृष्ठ ६को छनोट हुनेछ। अन्तिम चरणमा ६ जनाको व्यक्तित्व मापदण्ड, डोमेन, ज्ञान र दुरदर्सनको मापनको लागि अन्तरवार्तामार्फत छनौट गरिने उनले बताइन्।
ग्लोकल टिन हिरो २०१८को पुरस्कार समारोह सेप्टेम्बर १ मा राजनीतिज्ञ, फिल्मकलाकार, उद्यमशील व्यक्तित्व, युवानेताहरु गरी नेपालका २५०ं प्रख्यात व्यक्तित्वहरुको उपस्थितिमा हुने बताइएको छ।
