नेपाली प्रवासीद्वारा स्थापना गरेको सागुनमा अब टेक्सास राज्यका बासीहरुले पनि लगानी गर्न सक्ने अवसर खुल्ला गरिएको छ।
सगुनले गत वर्षदेखि मिनी आइपीओ मार्फत आफ्नो स्वामित्व शेयर विश्वभरी विक्री गर्दै आइरहेको थियो। तर मिनी आइपीओ मार्फत अमेरिकाका केहि राज्यहरुबाट ती राज्यहरुका कानूनी प्रावधानका कारण सिधैं लगानी गर्न अनुमति थिएन। जसका लागि सगुनले टेक्ससमा सम्वन्धित निकायबाट छुट्टै अनुमति लिनुपर्ने थियो। जुन हालै सगुनले प्राप्त गरेको छ।
अमेरिका, भारत र नेपालमा स्थापित भएको सगुनमा विश्वभरिबाट लगानीको अवसर प्राप्त हुंदा अमेरिकाकै केहि राज्यहरुबाट भने लगानी आउन पाएको थिएन।
टेक्सस स्थित समुदाय विशेषगरी नेपाली समुदायबाट आएको गुनासोलाई सम्वोधन गर्न यो अवसर उपलब्ध गराउन सकिएको सगुनका को-फाउण्डर कविन्द्र सिटौलाले जानकारी गराए।
सिटौलाले भने 'हामीलाई पनि टेक्सस राज्यबाट मिनी आइपीओ मार्फत लगानीको अवसर उपलब्ध गराउन नसकेकोमा दुःख लागेको थियो । टेक्सस जस्तो राज्यमा धेरै नेपालीहरुमा उद्यमशीलताको माहौल छ। धेरै नेपालीहरु व्यवसायमा संलग्न हुनुहुन्छ। टेक्सस राज्यमा बसोबास गर्ने नेपाली लगायत सबै समुदायलाई सगुनमा लगानीको अवसर उपलब्ध गराउन विशेष अनुरोध पनि आइरहेको थियो। यिनै कुराहरुलाइ सम्वोधन गर्न सगुनले सम्वन्धित सरकारी निकायबाट अनुमति प्राप्त गरी लगानी गर्न पाउने अवसर खुल्ला गर्न सकेका छ।'