रूसी राष्ट्रपति भ्लादमिर पुटिनले अमेरिकाका नवनिर्वाचित राष्ट्रपति जो बाइडनलाई आफूले बधाई नदिएको बारेमा आफ्नो भनाइ सार्जनिक गरेका छन्।
उनले बधाईका लागि राष्ट्रपति निर्वाचनलाई लिएर चलिरहेको कानुनी लडाईंको अन्तिम फैसला कुरिरहेको बताएका छन्।
रूसी टेलिभिजन च्यानललाई दिएको अन्तरवार्तामा औंचारिक बधाई दिन गरिएको ढिलाइले रूस-अमेरिकाको सम्बन्धमा कुनै असर नगर्ने स्पष्ट पारे।
यी दुबै देश बीच तनावपूर्ण सम्बन्ध रहने गरेको छ।
अमेरिकी राष्ट्रपति डोनाल्ड ट्रम्पले पुटिनको सँधै प्रशंसा गर्ने गरेका छन्। उनीमाथि राष्ट्रपति बन्न रूसको सहयोग लिएको आरोप छ।
के भने पुटिनले?
अन्तरवार्तामा पुटिनलाई बधाई नदिनाले दुई देशको सम्बन्धमा असर पर्दैन भनेर सोधिएको थियो।
'जुन सम्बन्ध पहिलेदेखि नै खराब छ, त्यसमा अरू के खराब होला?', पुटिनले जवाफमा भनेका छन्।
'हामीहरू दुबैको सम्मानजनक सम्बन्ध छ। राष्ट्रपति ट्रम्प र जो बाइडन दुबैसँग सम्मानजनक सम्बन्ध छ। हामीलाई कसैसँग कुनै समस्या छैन। यो एउटा औपचारिक्ता हो। यसमा कुनै लुकाइएको एजेन्डा छैन। मलाई लाग्दैन कि औपचारिक्ता देखाउन हतार गर्दैमा खराब सम्बन्ध राम्रो हुनेछ', पुटिनले भने।
बधाई दिएका नेतालाई उनले उनीहरू अनुभवीहरू भएको र कतिखेर के गर्ने थाहा भएको बताए।
उनले अघिल्लोपटक सबैले हिलारी क्लिन्टनलाई बधाई दिएको भएपनि जीत ट्रम्पलाई हासिल भएको स्मरण गराए।
राजनीतिक संघर्ष अन्त्यको पर्खाइमा
पुटिनले आफू अमेरिकी जनताले चुन्ने कुनै पनि अमेरिकी राष्ट्रपतिसँग काम गर्न तयार रहेको र त्यसका लागि मतगणनाको समापन र राजनीतिज्ञ संघर्ष रोकिदांसम्म पर्खनुपर्ने बताए।
'अमेरिकी जनतालाई जुन राष्ट्रपतिमा भरोसा हुन्छ, हामी उनैसँग काम गर्न तयार छौं', पुटिनले भने।
नोभेम्बर तीनमा भएको निर्वाचनमा वर्तमान अमेरिकी राष्ट्रपति डोनाल्ड ट्रम्पका प्रतिष्पर्धी उम्मेदवार जो बाइडलाई विजेता घोषित गरिएको छ।
तर ट्रम्पले यो नतिजालाई हालसम्म स्वीकार गरेका छैनन्। उनले मतगणमा धाँधली भएको आरोप लगाउँदै आएका छन्।
कयौं राज्य अझै पनि मतगणना जारी छ।
हालसम्मको मतगणनामा बाइडनले ट्रम्पको भन्दा ६० लाख बढी मत पाएका छन्। अमेरिकामा राष्ट्रपतिमा निर्वाचित हुन कुल २ सय ७० एलेक्टोरल कलेजमा जित हासिल गर्नुपर्छ। बाइडनले ३०६ एलेक्टोरलमा जीत हासिल गरेका छन्।
यसका बाबजुद ट्रम्पले आफ्नो हार स्वीकार गरेका छैनन्।
ट्रम्पले जीत हासिल गरेपछि पुटिनले तत्काले बधाई दिएका थिए। रूससँगै बाइडनलाई ब्राजिल, मेक्सिको र उत्तर कोरियाले पनि बधाई दिएका छैनन्।
बाइडनको राष्ट्रपति कालमा चीन र रूसका विषयमा उनी कडारूपमा प्रस्तुत हुने अनुमान गरिएको छ। यसले विश्व राजनीतिमा महत्वपूर्ण प्रभाव पार्ने ठानिएको छ।
त्यही ट्रम्पले आफ्नो शासनकालमा लिएको गलत नीतिले रूस र चीनले उदाउने मौका पाएको बताइन्छ।