महिला सांसदले वडा तहदेखि संघीय संसदसम्म महिला प्रतनिधित्वको ग्यारेन्टी गर्न निर्वाचन आयोगको ध्यानाकर्षण गराएका छन्।
महिला सांसदको एक टोलीले बिहीबार निर्वाचन आयोगका पदाधिकारीसँग छलफल गरेर महिलालाई उम्मेदवार बनाउने र उनीहरूको प्रतिनिधित्वको सुनिश्चितता हुनुपर्ने ध्यानाकर्षण गराएका हुन्।
राजनीतिक दलका हरेक कमिटीमा ३३ प्रतिशत महिलाको उपस्थिति हुनुपर्ने समेत आफूहरूले धारणा राखेको एमाले सांसद विन्दा पाण्डेले सेतोपाटीलाई बताइन्।
उनले श्रमिकहरूले आफू काम गरेकै ठाउँबाट मतदानको अधिकार पाउनुपर्नेमा समेत जोड दिइएको बताइन्।